- કાશી વિશ્વનાથ ધામમાં બન્યો રેકોર્ડ
- 2 વર્ષમાં 13 કરોડ ભક્તોએ લીધી મુલાકાત
- 16,000 આંતરરાષ્ટ્રીય મુલાકાતીઓનો સમાવેશ
વારાણસી: છેલ્લા બે વર્ષમાં રેકોર્ડ સંખ્યામાં શ્રદ્ધાળુઓ કાશી વિશ્વનાથ ધામ પહોંચ્યા છે. કાશી વિશ્વનાથ ધામમાં ભક્તો માટે સુલભતા અને સુવિધાઓ વધારવા માટે યોગી સરકારની અતૂટ પ્રતિબદ્ધતાને પરિણામે છેલ્લા બે વર્ષમાં પવિત્ર સ્થળની મુલાકાત લેતા ભક્તોની સંખ્યામાં નોંધપાત્ર વધારો થયો છે, જેમાં 16,000 આંતરરાષ્ટ્રીય મુલાકાતીઓનો સમાવેશ થાય છે.
કાશી વિશ્વનાથ ધામ અને સ્પેશિયલ એરિયા ડેવલપમેન્ટ ઓથોરિટીના ચીફ એક્ઝિક્યુટિવ ઓફિસર સુનિલ વર્માએ જણાવ્યું હતું કે 13 ડિસેમ્બર, 2021 થી 6 ડિસેમ્બર, 2023 સુધીમાં, 15,930 વિદેશી ભક્તોએ પ્રતિષ્ઠિત વિશ્વનાથ મંદિરની મુલાકાત લેવા માટે બુકિંગ કરાવ્યું છે.
પીએમ મોદીએ 13 ડિસેમ્બર, 2021ના રોજ કાશી કોરિડોરનું ઉદ્ઘાટન કર્યું હતું. ત્યારથી, તીર્થસ્થળ પર શ્રદ્ધાળુઓની સંખ્યામાં નોંધપાત્ર વધારો થયો છે. વર્માએ કહ્યું કે 2022ની સરખામણીમાં 2023 માટે બુકિંગ લગભગ બમણું થઈ ગયું છે.
CEOના જણાવ્યા અનુસાર, 13 ડિસેમ્બર, 2021 થી 6 ડિસેમ્બર, 2023 સુધીમાં 12 કરોડ 92 લાખ 24 હજાર લોકોએ રેકોર્ડબ્રેક મુલાકાત લઈને યાત્રાધામમાં ધાર્મિક પ્રવાસનમાં નોંધપાત્ર વધારો થયો છે.
સીઈઓ અનુસાર, ડિસેમ્બર 2021માં ભક્તોની સંખ્યા 40 હતી, 1 જાન્યુઆરી, 2022થી 31 ડિસેમ્બર, 2022 વચ્ચે 4540 અને 1 જાન્યુઆરી, 2023થી 6 ડિસેમ્બર, 2023ની વચ્ચે 11,350 હતી.
