અભિષેક બચ્ચન સર્જરી બાદ કામ પર પરત ફર્યાઃ પોસ્ટ કરીને લખ્યું, ‘મર્દ કો દર્દ નહી હોતા’

• અભિષેક બચ્ચન સર્જરી બાદ કામ પર જોતરાયા
• પોસ્ટ શેર કરીને કહ્યું ‘મર્દ કો દર્દ નહી હોતા’

મુંબઈઃ બોલિવૂડ અભિનેતા અભિષેક બચ્ચને તેના ઇન્સ્ટાગ્રામ એકાઉન્ટ પરથી એક સ્ટોરી પોસ્ટ શેર કરી છે. આ પોસ્ટમાં, પોતાનો ફોટો શેર કરતી વખતે, તેમણે તેમના પ્રિયજનોને તેમની પ્રાર્થના કરવા માટે થેંક્સ કહ્યું છે. આ સહીત અભિનેતાએ કહ્યું કે, શા માટે તેને આગલા દિવસે મુંબઈની લીલાવતી હોસ્પિટલમાં દાખલ થવું પડ્યું હતું. તે જ સમયે, તેના સ્વાસ્થ્ય વિશે અપડેટ આપતી વખતે, તેણે કહ્યું કે મર્દકો દર્દ નહી હોતા અને તે હવે ફરીથી તેના કામમાં વ્યસ્ત છે.

અભિષેક બચ્ચને ઈન્સ્ટાગ્રામ પર જે ફોટો શેર કર્યો છે તેમાં તે તેના જમણા હાથ પર પાટો બાંધેલો અને ફેસ માસ્ક પહેરેલુ જોવા મળી રહ્યું  છે. આ  શેર કરતા અભિષેક કેપ્શનમાં લખે છે કે, “ગયા બુધવારે મારી આગામી ફિલ્મના શૂટિંગના સેટ પર ચેન્નઈમાં એક અકસ્માત થયો હતો. જે અકસ્માતમાં મારો જમણો હાથ ફ્રેક્ચર થયો. તેને ઠીક કરવા માટે સર્જરીની જરૂર હતી, તેથી તરત જ ચેન્નઈથી મુંબઈ આવ્યા. ”

https://www.instagram.com/bachchan/?utm_source=ig_embed&ig_rid=67775628-9463-4c7b-997a-a20dc0c6c3d7

અભિષેક બચ્ચનના હાથમાં ઈજા હોવા છતાં કામ પર શૂટ કરવા માટે ચેન્નાઈ પરત ફરી રહ્યો છે. તેનું વર્ણન કરતા તે આગળ લખે છે, “સર્જરી થઈ, તમામ પેચ-અપ અને કાસ્ટ સમાપ્ત થઈ ગયા અને હવે કામ કરવા માટે ચેન્નઈ પાછા જવા માટે તૈયાર છું. … શો ચાલતા રહેવું જોઈએ! અને મારા પિતાએ કહ્યું તેમ … મર્દને દર્દ નથી થતો. ઠીક છે, ઠીક છે, તે થોડો દુખાવો કરે છે. પોતાની પોસ્ટમાં પોતાના ચાહકોનો આભાર માનતા અભિષેક બચ્ચન આગળ લખે છે, “તમારી શુભેચ્છાઓ અને જલ્દીથી સ્વસ્થ થવાના સંદેશ માટે આપ સૌનો આભાર.”