નેશનલ હાઈવે પર સર્વિસ રોડના ડિવાઈડરને નુકસાન કરનાર સામે કરાશે કાર્યવાહી

નવી દિલ્હીઃ નેશનલ હાઈવે ઓથોરિટી ઓફ ઈન્ડિયા (NHAI) એ સર્વિસ રોડ પર ડિવાઈડર તોડનારાઓ સામે કાર્યવાહી કરવાની ચેતવણી આપી છે. HHAIએ તેમને સાત દિવસની અંદર પોતાના ખર્ચે રાષ્ટ્રીય ધોરીમાર્ગો પરથી અનધિકૃત વ્યવસાયોને દૂર કરવા વિનંતી કરી છે. આ હાઈવેમાં પુણે-સોલાપુર નેશનલ હાઈવે નંબર 65, પુણે-નાસિક નેશનલ હાઈવે નંબર 60 અને પૂણે-સતારા નેશનલ હાઈવે નંબર 48નો સમાવેશ થાય છે.

અધિકારીઓએ રસ્તાની વચ્ચેથી 15, 30 અને 60 મીટરના અંતરે નિયુક્ત રાઇટ-ઓફ-વે વિસ્તારો પર અનધિકૃત અતિક્રમણ જોયું હતું. અધિકારીઓએ ઉલ્લંઘન કરનારાઓને તેમના પોતાના ખર્ચે સાત દિવસની અંદર જગ્યા ખાલી કરવાનો નિર્દેશ આપ્યો છે અથવા તેને નેશનલ હાઈવે કંટ્રોલ (લેન્ડ એન્ડ ટ્રાન્સપોર્ટ) એક્ટ 2002 હેઠળ દૂર કરવામાં આવશે અને તેમની પાસેથી ખર્ચ અને દંડ વસૂલવામાં આવશે. NHAI પુણેના પ્રોજેક્ટ ડાયરેક્ટર સંજય કદમે લોકોને રોડ ડિવાઈડર તોડવા કે હાઈવે અને સર્વિસ રોડ પર અતિક્રમણ ન કરવાની અપીલ કરી છે.