‘સા રે ગા મા પા’ શોનો વિજેતા બન્યો અલ્બર્ટ કાબો લેપ્ચા
મુંબઈ: સ્મોલ સ્ક્રીનનો લોકપ્રિય રિયાલિટી સિંગિંગ શો ‘સા રે ગા મા પા’ ને ત્રણ મહિનાના પ્રીમિયમ પછી વિજેતા મળી ગયો છે. ગઈકાલે શોનો ગ્રાન્ડ ફિનાલે યોજાયો હતો,જેમાં પશ્ચિમ બંગાળના રહેવાસી અલ્બર્ટ કાબો લેપ્ચાને ‘સા રે ગા મા પા 2023’ નો વિજેતા જાહેર કરવામાં આવ્યો. જ્યારે નિષ્ઠા શર્મા અને રણીતા બેનર્જી આ સિઝનના પ્રથમ અને બીજા રનર અપ રહ્યા.
બોલિવૂડ એક્ટર ગોવિંદા અને તેની પત્ની સુનીતા આહુજાએ ‘સા રે ગા મા પા’ શોના ગ્રાન્ડ ફિનાલેમાં ગેસ્ટ તરીકે હાજરી આપી હતી. આ સિવાય અરુણા ઈરાની પણ શોના ફિનાલેમાં જોવા મળી હતી. આ શોને અનુ મલિક, હિમેશ રેશમિયા અને નીતિ મોહને જજ કર્યો હતો. તે જ સમયે આદિત્ય નારાયણ ‘સા રે ગા મા પા’ શો હોસ્ટ કરી રહ્યો હતો.
‘સા રે ગા મા પા’ શો જીત્યા પછી અલ્બર્ટ કાબો લેપ્ચાએ મીડિયા સાથે વાત કરી અને કહ્યું, ‘હું આ શો જીતીને ખૂબ જ ખુશ છું. અન્ય તમામ સ્પર્ધકો આ ટ્રોફી માટે સમાન રીતે લાયક હતા કારણ કે દરેક સમાન પ્રતિભાશાળી છે. સેલેબ્સથી લઈને ચાહકો સોશિયલ મીડિયા પર અલ્બર્ટ કાબો લેપ્ચાને અભિનંદન આપી રહ્યા છે. ‘સા રે ગા મા પા 2023’ના વિજેતા અલ્બર્ટ કાબો લેપ્ચા પશ્ચિમ બંગાળના કાલિમપોંગના વતની છે અને હાલમાં કોલકાતામાં રહે છે.
‘સા રે ગા મા પા’ નાના પડદા પરનો સૌથી લોકપ્રિય રિયાલિટી સિંગિંગ શો છે. આ શો 1995માં શરૂ થયો હતો. અત્યાર સુધી આ શોની ઘણી સીઝન આવી ચૂકી છે. આ વર્ષે શોનું પ્રીમિયમ ત્રણ મહિના પહેલા શરૂ થયું હતું. વર્ષ 2023માં ‘સા રે ગા મા પા’ની આ 31મી સીઝન હતી.