અશ્વિની વૈષ્ણવે કહ્યું,’પીએમ મોદીના નેતૃત્વમાં ટેલિકોમ સેક્ટરની તસવીર બદલાઈ ગઈ’

• ઈન્ડિયા મોબાઈલ કોંગ્રેસની 7મી આવૃત્તિનું ઉદ્ઘાટન   
• પીએમ મોદી દ્વારા કરવામાં આવ્યું ઉદ્ઘાટન   
• અશ્વિની વૈષ્ણવે કહી આ વાત 

દિલ્હી: વડાપ્રધાન નરેન્દ્ર મોદીએ આજે ​​દિલ્હીના પ્રગતિ મેદાન ખાતે ઈન્ડિયા મોબાઈલ કોંગ્રેસની 7મી આવૃત્તિનું ઉદ્ઘાટન કર્યું. આ દરમિયાન રિલાયન્સ જિયો ઈન્ફોકોમ લિમિટેડના ચેરમેન આકાશ અંબાણીએ વડાપ્રધાનને તેમની કંપની દ્વારા ટેલિકોમ્યુનિકેશનના ક્ષેત્રમાં કરવામાં આવી રહેલા કામ વિશે જણાવ્યું.

આ કાર્યક્રમમાં ઈનોવેશન અને ટેક્નોલોજી સંબંધિત અનેક અપડેટ્સ રજૂ કરવામાં આવશે. આ સાથે જોડાયેલી કંપનીઓ પણ અહીં તેમની ભવિષ્યની યોજનાઓ જાહેર કરશે.

આ દરમિયાન કેન્દ્રીય ઈલેક્ટ્રોનિક્સ અને ઈન્ફોર્મેશન ટેક્નોલોજી મંત્રી અશ્વિની વૈષ્ણવે કાર્યક્રમને સંબોધતા કહ્યું કે, પીએમ મોદીનું વિઝન છે કે ટેક્નોલોજી લોકતાંત્રિક અને જન કેન્દ્રિત હોવી જોઈએ અને સમાજના વિકાસનો માર્ગ મોકળો કરવામાં આવી શકે. મંત્રીએ કહ્યું કે પીએમના આ અભિગમથી ટેલિકોમ સેક્ટરમાં ઘણો બદલાવ આવ્યો છે.

અશ્વિની વૈષ્ણવે કહ્યું કે પીએમ મોદીનું વિઝન છે જેણે સમગ્ર ટેલિકોમ સેક્ટરને બદલી નાખ્યું છે. ટેલિકોમ સેક્ટરનું ચિત્ર સંપૂર્ણપણે બદલાઈ ગયું છે અને આ પીએમ મોદીના નવ વર્ષના પ્રયાસોનું પરિણામ છે.

ઈન્ડિયા મોબાઈલ કોંગ્રેસ એ ટેકનોલોજીની દુનિયામાં એક મોટી ઈવેન્ટ છે. IMCની આ સાતમી આવૃત્તિ ઘણી રીતે ખૂબ જ ખાસ બનવાની છે. આમાં એક ખાસ કાર્યક્રમ પણ શરૂ કરવામાં આવશે જે એસ્પાયર પ્રોગ્રામ હશે. આ એસ્પાયર પ્રોગ્રામમાં ટેલિકોમ અને ડિજિટલ ક્ષેત્રમાં રસ ધરાવતા યુવા ઉદ્યોગ સાહસિકોને પોતાનો વ્યવસાય શરૂ કરવામાં મદદ કરવામાં આવશે. IMC 2023 અંગે IT મંત્રી અશ્વિની વૈષ્ણવે કહ્યું હતું કે હવે સમય આવી ગયો છે કે ભારતને ટેક્નોલોજી સુપરપાવર તરીકે સ્થાપિત કરવામાં આવે.

IMC 2023 ટેકનોલોજીના ઘણા ક્ષેત્રો માટે ખાસ બનવા જઈ રહ્યું છે. જેમાં ભારતમાં આવનારી ભવિષ્યની ટેકનોલોજી વિશે પણ માહિતી આપવામાં આવશે. IMC 2023માં આર્ટિફિશિયલ ઈન્ટેલિજન્સ અંગે મોટી જાહેરાતો પણ થઈ શકે છે. આ કાર્યક્રમમાં પ્રસારણ, 5Gનું વિસ્તરણ, 6G માટે દેશની તૈયારી, ડ્રોન ટેક્નોલોજી જેવા વિષયો પર પણ ચર્ચા થઈ શકે છે.