હાઈબ્રિડ મોડલ હેઠળ એશિયા કપ-2023 પાકિસ્તાન અને શ્રીલંકામાં રમાશે, 31મી ઓગસ્ટથી શરૂ થશે
નવી દિલ્હીઃ એશિયા કપ-2023 આગામી તા. 31 ઓગસ્ટથી શરૂ થશે અને 17 સપ્ટેમ્બર સુધી રમાશે. ટૂર્નામેન્ટની 13 મેચ ભારત, પાકિસ્તાન, શ્રીલંકા, બાંગ્લાદેશ, અફઘાનિસ્તાન અને નેપાળ વચ્ચે રમાશે. આ વખતે ટુર્નામેન્ટનું આયોજન હાઇબ્રિડ મોડલ હેઠળ કરવામાં આવશે. ટૂર્નામેન્ટની ચાર મેચ પાકિસ્તાનમાં રમાશે. આ સિવાય બાકીની 9 મેચ શ્રીલંકામાં યોજાશે.
Dates and venues have been finalised for the Asia Cup 2023! The tournament will be held from 31st August to 17th September in a hybrid model – with 4 matches being held in Pakistan and the rest in Sri Lanka! https://t.co/bvkfSSAp9w#AsiaCup #ACC
— AsianCricketCouncil (@ACCMedia1) June 15, 2023
એશિયા કપને લઈને લાંબા સમયથી ચાલી રહેલો વિવાદ હવે સંપૂર્ણ રીતે ઉકેલાઈ ગયો છે. તેનું આયોજન બે દેશોમાં કરવામાં આવશે. પાકિસ્તાનમાં ચાર મેચ રમાશે. બાકીની 9 મેચ શ્રીલંકામાં યોજાશે. એશિયા કપની આ આવૃત્તિમાં બે ગ્રુપ હશે. આ વખતે એશિયા કપ પાકિસ્તાનમાં યોજાવાનો હતો. પરંતુ ભારતીય ટીમ આ માટે પાકિસ્તાન જતી નથી. આ કારણોસર, હાઇબ્રિડ મોડલ પસંદ કરવામાં આવ્યું છે.
એશિયન ક્રિકેટ કાઉન્સિલે ટૂર્નામેન્ટની તારીખ વિશે ટ્વિટ કર્યું છે. કાઉન્સિલે આ અંગેની માહિતી સત્તાવાર વેબસાઇટ પર પણ શેર કરી છે. પરંતુ હજુ સુધી મેચોના શેડ્યૂલની જાહેરાત કરવામાં આવી નથી. ટૂર્નામેન્ટમાં ભારત અને પાકિસ્તાન વચ્ચે રમાનારી મેચની ચાહકો આતુરતાથી રાહ જોઈ રહ્યા છે. આ બંને ટીમો વચ્ચે લાંબા સમયથી દ્વિપક્ષીય શ્રેણી રમાઈ નથી. આ ટીમો માત્ર ICC ટુર્નામેન્ટ અથવા એશિયા કપમાં જ સામસામે આવે છે.
ભારતે એશિયા કપ માટે પાકિસ્તાન જવાની ના પાડી દીધી હતી. આ અંગે ઘણા સમયથી વિવાદ ચાલી રહ્યો હતો. એવી અપેક્ષા રાખવામાં આવી હતી કે તે તટસ્થ સ્થળે આયોજન કરવામાં આવશે. પરંતુ એશિયન ક્રિકેટ કાઉન્સિલે તેને હાઇબ્રિડ મોડલમાં આયોજિત કરવાનો નિર્ણય લીધો છે.
