Asian Games 2023:બાંગ્લાદેશને હરાવી ફાઇનલમાં પહોંચી ટીમ ઈન્ડિયા,હવે પાકિસ્તાન સાથે થઈ શકે છે ટક્કર
દિલ્હી: ભારતીય મહિલા ક્રિકેટ ટીમે હાંગઝોઉ એશિયન ગેમ્સની ફાઇનલમાં જગ્યા બનાવી લીધી છે. 24 સપ્ટેમ્બર (રવિવાર)ના રોજ રમાયેલી સેમિફાઇનલ મેચમાં ભારતે બાંગ્લાદેશને 8 વિકેટથી હરાવ્યું હતું. મેચમાં બાંગ્લાદેશે ભારતીય ટીમને જીતવા માટે 52 રનનો ટાર્ગેટ આપ્યો હતો જે તેણે 8.2 ઓવરમાં હાંસલ કરી લીધો હતો.
ભારત માટે જેમિમા રોડ્રિગ્સે સૌથી વધુ 20 રનની અણનમ ઇનિંગ રમી હતી. ફાઇનલમાં પહોંચીને ભારતીય મહિલા ક્રિકેટ ટીમે ઓછામાં ઓછું સિલ્વર મેડલ જીતવાનું સુનિશ્ચિત કર્યું છે. હવે ફાઈનલ મેચમાં ભારતનો મુકાબલો શ્રીલંકા અને પાકિસ્તાન વચ્ચેની બીજી સેમીફાઈનલ મેચના વિજેતા સાથે થશે.
🇮🇳🏏 Into the Finals with a Roar! 🏆💥
Our Indian Women's Cricket Team has displayed incredible prowess, defeating Bangladesh by 8️⃣ wickets in a thrilling match at #AsianGames2022 🥳💯
With this victory, they've not only secured their spot in the final but also assured a medal!… pic.twitter.com/ByWevKNSHk
— SAI Media (@Media_SAI) September 24, 2023
ભારતની વિકેટ આ રીતે પડી:
પ્રથમ વિકેટ- સ્મૃતિ મંધાના 7 રન (19/1)
બીજી વિકેટ- શેફાલી વર્મા 17 રન (40/2)
આ પહેલા ટોસ જીતીને પ્રથમ બેટિંગ કરવા આવેલી બાંગ્લાદેશી ટીમે શરૂઆતથી જ વિકેટો ગુમાવી હતી. તેણે મેચના પહેલા જ બોલ પર તેની શરૂઆતની વિકેટ ગુમાવી દીધી હતી. પાવરપ્લેમાં બાંગ્લાદેશે ચાર વિકેટ ગુમાવી હતી, જેમાંથી પૂજા વસ્ત્રાકરે ત્રણ વિકેટ ઝડપી હતી. બાંગ્લાદેશની વિકેટો પડવાની પ્રક્રિયા ચાલુ રહી. પરિણામે તેની આખી ટીમ 17.5 ઓવરમાં 51 રનમાં સમેટાઈ ગઈ હતી.
બાંગ્લાદેશ તરફથી માત્ર સુકાની નિગાર સુલ્તાના (12) જ બે આંકડા સુધી પહોંચી શકી હતી. પાંચ બેટ્સમેન ખાતું પણ ખોલાવી શક્યા ન હતા. ભારત તરફથી પૂજા વસ્ત્રાકરે 4 ઓવરમાં 17 રન આપીને સૌથી વધુ ચાર વિકેટ લીધી હતી. જ્યારે ટીટાસ સાધુ, રાજેશ્વરી ગાયકવાડ, દેવિકા વૈદ્ય અને અમનજોત કૌરને એક-એક વિકેટ મળી હતી.
આ વખતે એશિયન ગેમ્સમાં ક્રિકેટ ઈવેન્ટનું પણ આયોજન કરવામાં આવી રહ્યું છે. 2014 અને 2014 ની રમતોમાં પણ ક્રિકેટ ઈવેન્ટ યોજાઈ હતી, જ્યાં BCCIએ ન તો પુરૂષો કે મહિલા ટીમ મોકલી હતી. પરંતુ આ વખતે ભારતની મહિલા અને પુરૂષ ક્રિકેટ ટીમ ભાગ લઈ રહી છે. 2010ની ગેમ્સમાં, બાંગ્લાદેશ અને પાકિસ્તાને અનુક્રમે પુરૂષ અને મહિલા વર્ગમાં ગોલ્ડ જીત્યો હતો. 2014માં શ્રીલંકાએ પુરુષોની કેટેગરીમાં અને પાકિસ્તાને મહિલા વર્ગમાં ગોલ્ડ જીત્યો હતો. મહિલા વર્ગમાં પણ ક્રિકેટ મેચો શરૂ થઈ ગઈ છે, જેમાં ભારત સેમીફાઈનલમાં પહોંચી ગયું છે.
