હનોઈ, 11 જુલાઈ 2026: વિયેતનામના ફુ ક્વોક ટાપુ નજીક એક મોટી દુર્ઘટના બની છે, જ્યાં ભારતીય ખલાસીઓને લઈ જતી એક હોડી દરિયામાં પલટી ગઈ. આ દુ:ખદ ઘટનાની પુષ્ટિ કરતા, હનોઈમાં ભારતીય દૂતાવાસે જણાવ્યું હતું કે સ્થાનિક અધિકારીઓ અકસ્માત વિશે વિગતવાર માહિતી એકત્રિત કરી રહ્યા છે. સંડોવાયેલા વ્યક્તિઓને બહાર કાઢવા માટે બચાવ કામગીરી ચાલી રહી છે.
સમાચાર એજન્સી પીટીઆઈએ સ્થાનિક મીડિયાને ટાંકીને અહેવાલ આપ્યો છે કે આ ઘટનામાં ભારતીયો સહિત ૧૫ લોકોનાં મોત થયાં છે.
શોધ અને બચાવ કામગીરી ચાલુ હોવાથી ભારતીય મિશને કંટ્રોલ રૂમ સ્થાપ્યા છે. દૂતાવાસે જણાવ્યું છે કે સ્થાનિક સત્તાવાળાઓ આ ઘટનાની સંપૂર્ણ વિગતો એકત્ર કરી રહ્યા છે.
‘X’ પરની એક પોસ્ટમાં દૂતાવાસે જણાવ્યું હતું કે, “એક દુઃખદ ઘટનામાં શનિવારે વિયેતનામના ફૂ કુઓક ટાપુ નજીક ઘણા ભારતીય પ્રવાસીઓને લઈ જતી એક બોટ પલટી ગઈ હતી.”
હેલ્પલાઇન નંબર જાહેર
પીડિતોને મદદ કરવા અને કટોકટી દરમિયાન માહિતી પૂરી પાડવા માટે, હો ચી મિન્હ સિટીમાં ભારતના કોન્સ્યુલેટ જનરલ અને હનોઈમાં દૂતાવાસ દ્વારા 24 કલાક કાર્યરત કંટ્રોલ રૂમ અને હેલ્પલાઇન નંબરો જારી કરવામાં આવ્યા છે.
સૌ પ્રથમ, કંટ્રોલ રૂમનો આ નંબરો પર સંપર્ક કરી શકાય છે: +84 36 281 7930, +84 91 552 37 14 અને +84 33 452 0414.
હનોઈમાં આવેલા બીજા કંટ્રોલ રૂમમાંથી આ નંબર પર સંપર્ક કરી શકાય છે: +84 91 308 9165.
વધુ વાંચો: કેન્દ્રીય મંત્રી નીતિન ગડકરીએ બ્રિક્સ (BRICS) દેશોના પરિવહન મંત્રીઓની બેઠકની અધ્યક્ષતા કરી
