બોલિવૂડ એક્ટર રણદીપ હુડાનો આજે જન્મદિવસ,સંઘર્ષ બાદ મળી સફળતા

•  અભિનેતા રણદીપ હુડાનો 45 મો જન્મદિવસ
• બહુમુખી પાત્રોથી દર્શકોનું કર્યું ભરપૂર મનોરંજન
• 32 થી વધુ ફિલ્મોમાં કર્યું છે કામ  

મુંબઈ : આજે રણદીપ હુડાનો 45 મો જન્મદિવસ છે. રણદીપ હુડા, એક એવા અભિનેતા છે કે જેમણે હિન્દી ફિલ્મ ઇન્ડસ્ટ્રીમાં દરેકને પોતાના પાત્રોથી પ્રભાવિત કર્યા છે, લગભગ 20 વર્ષથી સ્ક્રીન પર આપણને મનોરંજન કરી રહ્યા છે. રણદીપ હુડાએ હંમેશા તેના બહુમુખી પાત્રોથી દર્શકોનું ભરપૂર મનોરંજન કર્યું છે.

હરિયાણાના રોહતક જિલ્લામાંથી આવતા, રણદીપનો જન્મ વર્ષ 1976 માં થયો હતો. તેના પિતા વ્યવસાયે સર્જન હતા અને માતા સામાજિક કાર્યકર હતી. જ્યારે રણદીપ 8 વર્ષનો હતો, ત્યારે તેને પરિવાર દ્વારા એમએનએસએસ બોર્ડિંગ સ્કૂલ, સોનીપત મોકલવામાં આવ્યો હતો. તેણે ત્યાંથી પ્રારંભિક અભ્યાસ પૂર્ણ કર્યો. તે પછી તેઓ પ્રતિષ્ઠિત આર.કે. પુરમ દિલ્હીમાં ભણ્યા. તે પછી તે ઉચ્ચ શિક્ષણ માટે ઓસ્ટ્રેલિયાના મેલબોર્ન શહેરમાં ગયો. ત્યાં તેમણે બિઝનેસ મેનેજમેન્ટમાં માર્કેટિંગ અને માસ્ટર્સનો અભ્યાસ કર્યો. ઓસ્ટ્રેલિયામાં અભ્યાસ કરતી વખતે, તેણે ચાઇનીઝ રેસ્ટોરન્ટમાં કામ કર્યું, કાર સાફ કરી અને ટેક્સી પણ ચલાવી. 2 વર્ષ પછી તે ભારત પાછો ફર્યો અને એરલાઇન્સના માર્કેટિંગ વિભાગમાં જોબ મેળવી.

હુડાની ફિલ્મી કારકિર્દી 2001 માં મીરા નાયરની ફિલ્મ માનસૂન વેડિંગથી શરૂ થઈ હતી. આ ફિલ્મમાં તેણે એક એનઆરઆઈની ભૂમિકા ભજવી હતી. એવું કહેવાય છે કે તેના ઓસ્ટ્રેલિયન ઉચ્ચારને કારણે તેને ફિલ્મમાં રોલ મળ્યો. માનસૂન વેડિંગમાં મજબૂત પાત્ર ભજવ્યાના 4 વર્ષ પછી તેને બીજો પ્રોજેક્ટ મળ્યો.તે વખતે તેને રામ ગોપાલ વર્માનો સાથ મળ્યો.

વર્ષ 2005 માં અન્ડરવર્લ્ડ પર ફિલ્મ ડી એ ઘણી હેડલાઇન્સ બનાવી હતી. ત્યાંથી રણદીપને ઓળખ મળી. આ ફિલ્મ રણદીપની કારકિર્દીનો ટર્નિંગ પોઇન્ટ હતો. દાઉદના પાત્ર પર બનેલી આ ફિલ્મે રણદીપને સ્ટાર બનાવ્યો. તે પછી રણદીપે ક્યારેય પાછું વળીને જોયું નથી. રણદીપે 32 થી વધુ ફિલ્મો કરી છે. હવે તે સલમાન ખાન જેવા સુપરસ્ટાર સાથે સ્ક્રીન શેર કરે છે.

રણદીપને કામ માટે જબરદસ્ત જુસ્સો છે. તમે આ વાતનો અંદાજ એ વાત પરથી લગાવી શકો છો કે ફિલ્મ સરબજીત માટે તેણે પોતાનું વજન એક હદ સુધી ઘટાડી દીધું હતું. જ્યારે તેનો ફોટો રિલીઝ થયો ત્યારે કોઈ માની ન શક્યું કે તે રણદીપ હુડા છે. કહેવાય છે કે વજન ઘટાડવાને કારણે રણદીપ શૂટિંગ દરમિયાન બેહોશ પણ થઈ ગયો હતો. ફિલ્મ સરબજીત માટે રણદીપને સ્ટારડસ્ટ બેસ્ટ એક્ટરનો એવોર્ડ મળ્યો હતો.