દિલ્હી:કેનેડાના વિદેશમંત્રી મેલાની જોલી તેમના ભારતીય સમકક્ષ એસ. જયશંકર સાથે વ્યાપક વાટાઘાટો કરવા માટે તે આજથી ભારતની બે દિવસીય મુલાકાત શરૂ કરશે.
અધિકારીઓએ જણાવ્યું કે,સોમવારે સાંજે બંને વિદેશ મંત્રીઓ વચ્ચે વાતચીત થશે.તેમણે કહ્યું કે,દ્વિપક્ષીય સંબંધોને વેગ આપવા ઉપરાંત, બંને દેશો ભારત-પેસિફિક ક્ષેત્રમાં ચીનની વધતી સૈન્ય શક્તિ પર વધતી વૈશ્વિક ચિંતાની પૃષ્ઠભૂમિમાં આ ક્ષેત્રમાં સહકાર પર ધ્યાન કેન્દ્રિત કરે તેવી અપેક્ષા છે. કેનેડાએ નવેમ્બરમાં ભારત-પ્રશાંત માટે એક વ્યાપક રણનીતિ બનાવી હતી.જેનો હેતુ આ ક્ષેત્રમાં શાંતિ, સ્થિતિસ્થાપકતા અને સુરક્ષાને પ્રોત્સાહન આપવાનો હતો.
કેનેડાની ભારત-પ્રશાંત રણનીતિએ પણ ભારતને આ ક્ષેત્રમાં એક પ્રમુખ દેશના રૂપમાં સૂચિબદ્ધ કર્યું અને જણાવ્યું હતું કે ઓટાવા નવી દિલ્હી સાથે આર્થિક સંબંધો વધારવા પર ધ્યાન કેન્દ્રિત કરશે.
