- અસ્ત્ર બિયોન્ડ વિઝ્યુઅલ રેન્જ એર-ટુ-એર મિસાઈલ
- અસ્ત્ર મિસાઈલની રેન્જ 70 કિલોમીટર
- એક્ટિવ રડાર ટર્મિનલ ગાઈડન્સ દ્વારા સજ્જ
ડીઆરડીઓ દ્વારા મંગળવારે હવામાંથી હવામાં પ્રહાર કરનારી મિસાઈલ અસ્ત્રનું સફળ પરીક્ષણ કરવામાં આવ્યું છે.
આ પરીક્ષણને ભારતીય વાયુસેનાના સુખોઈ-30એમકેઆઈ યુદ્ધવિમાન દ્વારા કરવામાં આવ્યું છે.
આ યુદ્ધવિમાને પશ્ચિમ બંગાળના એક એરબેઝ ખાતેથી ઉડાણ ભરી હતી.
અસ્ત્ર મિસાઈલ બીવીઆર એટલે કે બિયોન્ડ વિઝ્યુઅલ રેન્જ એર-ટુ-એર પ્રહાર ક્ષમતા ધરાવતી મિસાઈલ છે.
અસ્ત્ર મિસાઈલની રેન્જ 70 કિલોમીટરની છે.
આ મિસાઈલ કોઈપણ હવામાનમાં ઉપયોગમાં લઈ શકાય તેમ છે. તેને એક્ટિવ રડાર ટર્મિનલ ગાઈડન્સ દ્વારા સજ્જ કરવામાં આવી છે.
