TRAIની આ એપથી અજાણ્યા નંબરો ઉપરથી આવતા કોલ અને મેસેજથી મળશે કાયમી છુટકારો
દરરોજ, દેશમાં ઘણા મોબાઇલ વપરાશકર્તાઓ અજાણ્યા નંબરો પરથી ઘણા કૉલ અને સંદેશા પ્રાપ્ત કરે છે. એક રિપોર્ટ અનુસાર, ભારતમાં સરેરાશ લોકોને દરરોજ ઓછામાં ઓછા 6 સ્પામ કોલ આવે છે. મોટાભાગના લોકોએ તેમના ફોન નંબર પર ડુ નોટ ડિસ્ટર્બ ચાલુ કરી દીધું છે પરંતુ તેમ છતાં અજાણ્યા નંબરો પરથી આવતા કૉલ્સ બંધ થઈ રહ્યા નથી. આનાથી છૂટકારો મેળવવા માટે ટેલિકોમ રેગ્યુલેટરી ઓથોરિટી ઓફ ઈન્ડિયા (TRAI) એ DND એપ રજૂ કરી છે પરંતુ તેના વિશે બહુ ઓછા લોકો જાણે છે. આ એપની મદદથી તમે અજાણ્યા નંબરોથી આવતા કોલ અને મેસેજને બ્લોક કરી શકો છો.
TRAI ની DND એપ ઘણી જૂની છે પરંતુ તેમાં ઘણી સમસ્યાઓ હતી. થોડા દિવસો પહેલા જ ટ્રાઈએ કહ્યું હતું કે DND એપની ખામીઓને સુધારવા માટે ઘણું કામ કરવામાં આવ્યું છે. DND એપ્સમાં પહેલા ઘણા બગ્સ હતા જે હવે ઠીક કરવામાં આવ્યા છે. હવે આ એપમાં કોઈ બગ નથી. હવે તેનો ઉપયોગ સરળતાથી કરી શકાય છે.
TRAI DND એપનો ઉપયોગ કેવી રીતે કરવો?
- જો તમારી પાસે એન્ડ્રોઇડ ફોન છે તો ગૂગલ પ્લે સ્ટોર પરથી TRAI DND 3.0 એપ ડાઉનલોડ કરો.
- એપ્લિકેશન ઇન્સ્ટોલ કર્યા પછી, OTP દ્વારા લોગિન કરો.
- એકવાર લોગ ઇન થયા પછી, DND એપ્લિકેશન તમારા નંબર પર કામ કરવાનું શરૂ કરશે.
- આ પછી, અનિચ્છનીય કૉલ્સ અને સંદેશાઓ બ્લોક થઈ જશે.
- આ એપની મદદથી તમે કોઈપણ કોલ અથવા કોઈપણ નંબરની ફરિયાદ કરી શકશો.
