ખરાબ લાઇફસ્ટાઇલથી વધતું ફેટી લિવર બની શકે છે જીવલેણ, જાણો બચવાના રામબાણ ઉપાયો
આજના સમયમાં અનિયમિત ખાનપાન અને બેઠાડુ જીવનશૈલીના કારણે ફેટી લિવરની સમસ્યા ચિંતાજનક રીતે વધી રહી છે. લિવર પર ચરબી જમા થવાની આ સ્થિતિ શરૂઆતમાં સામાન્ય લાગે છે, પરંતુ જો તેને અવગણવામાં આવે તો તે લિવર ફેલ્યોર કે લિવર કૅન્સર જેવી જીવલેણ સ્થિતિમાં પરિવર્તિત થઈ શકે છે.
જ્યારે લિવરમાં જરૂર કરતાં વધુ ચરબી જમા થાય ત્યારે તેને ‘ફેટી લિવર’ કહેવામાં આવે છે. તે મુખ્યત્વે બે પ્રકારના હોય છે.
નૉન-અલ્કોહોલિક ફેટી લિવર: જે ખોટા આહાર અને સ્થૂળતાને કારણે થાય છે.
આલ્કોહોલિક ફેટી લિવર: જે અતિશય દારૂના સેવનથી લિવરને નુકસાન પહોંચાડે છે.
- લિવરને ડિટોક્સ કરવાના કુદરતી ઉપાયો
સ્વાસ્થ્ય નિષ્ણાતોના મતે, સંતુલિત આહારની સાથે નીચેની કુદરતી વસ્તુઓ લિવર માટે રક્ષક કવચ જેવું કામ કરે છે.
હળદર (કુદરતી એન્ટિસેપ્ટિક): હળદરમાં રહેલું ‘કર્ક્યુમિન’ તત્વ લિવરના સોજાને ઘટાડે છે અને ચરબી જમા થતી અટકાવે છે. લિવરને ડિટોક્સ કરવા માટે હળદરવાળું દૂધ કે પાણી ઉત્તમ ગણાય છે.
અજમો (પાચન અને સફાઈ માટે): અજમો માત્ર પાચન જ નહીં, પણ લિવરમાંથી હાનિકારક ઝેરી તત્વો (ટૉક્સિન્સ) દૂર કરવામાં પણ મદદરૂપ છે. તે વધારાની ચરબીને ઓગાળવામાં સહાયક બને છે.
આમળા (વિટામિન C નો ખજાનો): આમળામાં રહેલા એન્ટિઓક્સિડન્ટ્સ લિવરના સેલ્સને ફરી જીવંત કરે છે. નિયમિત આમળાનો રસ કે પાઉડર લેવાથી લિવરની કામગીરીમાં સુધારો થાય છે.
જો ફેટી લિવરનું સમયસર નિદાન ન થાય તો તે લિવર સિરોસિસ જેવી સ્થિતિમાં પહોંચી શકે છે, જેમાં લિવર કાયમી ધોરણે કામ કરતું બંધ થઈ શકે છે. નિષ્ણાતો સલાહ આપે છે કે તેલયુક્ત ખોરાક ટાળવો, નિયમિત કસરત કરવી અને લિવરને સ્વસ્થ રાખવા માટે કુદરતી ઉપાયો અપનાવવા જોઈએ.
