શ્રાવણ સ્પેશિયલ ટામેટા અને સીંગદાણાની ફરાળી કઢી, જાણો રેસીપી

રેસીપી, 03 ઓગસ્ટ 2026: શ્રાવણ માસ ભગવાન શિવને સમર્પિત છે. ભક્તો શિવ મંદિરોમાં જાય છે અને શિવલિંગ પર જળ જલાભિષેક કરે છે અને શ્રદ્ધા સાથે મહાદેવની પૂજા કરે છે. એવું કહેવામાં આવે છે કે શ્રાવણ મહિનામાં સાત્વિક ભોજન કરવું જોઈએ. આ સમય દરમિયાન ડુંગળી અને લસણ ખાવાનું ટાળવું જોઈએ. આયુર્વેદ અનુસાર, શ્રાવણ એ વરસાદનો મહિનો છે અને વરસાદની ઋતુમાં પાચનતંત્ર મંદ પડી જાય છે. આ દરમિયાન ફળો અને શાકભાજીનું સેવન કરવું જોઈએ જે પેટ માટે હળવા હોય.

જો તમે પણ શ્રાવણ મહિનામાં કંઈક હળવું અને પૌષ્ટિક ભોજન અજમાવવા માંગો છો, તો તમે ડુંગળી લસણ વગરની ટામેટા અને સીંગદાણાની કઢી બનાવી શકો છો. તે દહીં અને ચણાના લોટની કઢીથી થોડીક અલગ હોય છે. તમે તેને રાતના ભોજનમાં ભાત, જીરા રાઇસ અથવા રોટલી સાથે પીરસી શકો છો.

સીંગદાણાની કઢી બનાવવા માટે સામગ્રી

5 – 6 ટામેટાં

1/2 કપ શેકેલા સીંગદાણા

1/2 કપ દહીં (વૈકલ્પિક)

2 ચમચી ચણાનો લોટ

2 ચમચી ઘી

1 ચમચી જીરું

1 ચપટી હિંગ

1/2 ચમચી આદુની પેસ્ટ

1/2 ચમચી હળદર પાવડર

1/2 ચમચી લાલ મરચું પાવડર

1/2 ચમચી જીરું પાવડર

1/2 ચમચી જીરું પાવડર

2 ઝીણું સમારેલા લીલા મરચાં

8 – 10 મીઠા લીમડાના પાન

1/2 ચમચી ખાંડ અથવા ગોળ (વૈકલ્પિક)

1 કપ લીલું કોથમીર

પાણી જરૂરિયાત મુજબ

ટામેટા સીંગદાણાની કઢી બનાવવાની રીત

શેકેલા સીંગદાણાની છાલ કાઢી મિક્સરમાં થોડું પાણી ઉમેરીને સ્મૂધ પેસ્ટ બનાવો. હવે ટામેટાને લગભગ કાપીને મિક્સર જારમાં પીસી લો. જો ઇચ્છો તો, તમે ટામેટા સહેજ બાપીને પ્યુરી પણ બનાવી શકો છો.

હવે એક બાઉલમાં ચણાનો લોટ, દહીં અને થોડું પાણી મેળવી સારી રીતે ફેંટી લો. આ પછી એક કઢાઇમાં ઘી ગરમ કરી તેમાં જીરૂ, મીઠા લીમડાના પાન અને હીંગનો તડકો લગાવો. હવે તેમા આદુની પેસ્ટ અને લીલા મરચાં નાંખી સહેજ સાંતળી લો. ત્યાર બાદ હળદર, ધાણાજીરું પાઉડર અને લાલ મરચાં ઉમેરી મસાલાને થોડોક સાંતળી લો. આ પછી, તરત જ તેમાં ટામેટાની પ્યુરી મેળવી 8 થી 10 મિનિટ સુધી મસાલો ઘી છોડવા માંડે ત્યાં સુધી રાંધી લો.

હવે ટામેટાના મિશ્રણમાં સીંગાણાની પેસ્ટ મેળવી ધીમા તાપ પર 2-3 મિનિટ સુધી રાંધી લો. ત્યાર બાદ ચણાનો લોટ દહીંનું ખીરું ઉમેરો અને સતત હલાવો. તેમાં જરૂર મુજબ પાણી ઉમેરી ધીમા તાપ પર 10-12 મિનિટ સુધી ઉકળવા દો જેથી કઢી સારી રીતે રંધાઈ જાય. જો દહીં ન ઉમેરવામાં આવે તો માત્ર ચણાનો લોટ અને પાણીની પેસ્ટનો પણ ઉપયોગ કરી શકાય છે.

હવે તેમા મીઠું ઉમેરો. સ્વાદ માટે ખાંડ કે ગોળ પણ ઉમેરી શકાય છે, જેનાથી ટામેટાની ખટાશ દૂર થશે. છેલ્લે લીલું કોથમીર ઉમેરો અને ગેસ બંધ કરી દો. તમારી ગરમા ગરમ ટામેટા અને સીંગદાણાની ફરાળી કઢી તૈયાર છે. આ ફરાળી કઢી જીરા રાઇસ, રોટલી અથવા પરાઠા સાથે પણ પીરસી શકાય છે.