દિલ્હી : નાગરિક ઉડ્ડયન મંત્રી જ્યોતિરાદિત્ય સિંધિયાએ શુક્રવારે દિલ્હી એરપોર્ટ પર ડબલ એલિવેટેડ ઈસ્ટર્ન ક્રોસ ટેક્સીવે અને ચોથા રનવેનું ઉદ્ઘાટન કર્યું. ઈન્દિરા ગાંધી ઈન્ટરનેશનલ એરપોર્ટ (IGIA) દરરોજ 1,500 એરક્રાફ્ટ મૂવમેન્ટનું સંચાલન કરે છે. દેશના સૌથી મોટા એરપોર્ટ પર નવી સુવિધાઓ શરૂ થવાથી વિમાનોની અવરજવરમાં સરળતા વધશે.
आज, @DelhiAirport पर चौथे रनवे और देश के पहले एलिवेटेड ईस्टर्न क्रॉस टैक्सीवे के उद्घाटन में श्री @Gen_VKSingh जी सहित शामिल हुआ।
सुगम हवाई यात्रा और भारत को वैश्विक विमानन केंद्र बनाने की दिशा में यह एक ऐतिहासिक कदम है। दिल्ली एयरपोर्ट, 4 रनवे वाला देश का पहला एयरपोर्ट बन गया… pic.twitter.com/JKv8yQKfdf
— Jyotiraditya M. Scindia (@JM_Scindia) July 14, 2023
અંદાજે 2.1 કિમી લાંબા ઈસ્ટર્ન ક્રોસ ટેક્સીવે (ECT)ના કમિશનિંગથી મુસાફરોને ઉતરાણ પછી અને ટેક-ઓફ પહેલા ટાર્મેક પર વિતાવતો સમય ઘટશે. એરક્રાફ્ટ સ્ટેન્ડથી એરસ્ટ્રીપ તરફ જતા માર્ગને ટાર્મેક કહેવામાં આવે છે. ECTની શરૂઆત સાથે IGIA દેશનું એકમાત્ર એરપોર્ટ બની ગયું છે જ્યાં તેની નીચેથી પસાર થતા રસ્તાઓ સાથે એલિવેટેડ ટેક્સીવે છે. ECT દિલ્હી એરપોર્ટની પૂર્વ બાજુએ ઉત્તરીય અને દક્ષિણી એરફિલ્ડને જોડવાનું કામ કરશે.
આનાથી ટેક-ઓફ પહેલા અને લેન્ડિંગ પછી ટાર્મેક પર ચાલવામાં સાત કિલોમીટરનો ઘટાડો થશે. તે A-380, B-777 અને B-747 જેવા વાઈડ-બોડી એરક્રાફ્ટને પણ હેન્ડલ કરી શકે છે. આ સાથે દિલ્હી એરપોર્ટ પર ચોથો રનવે પણ શરૂ થઈ ગયો છે. અગાઉ ત્રણ એરસ્ટ્રીપ્સની મદદથી વિમાનો ચાલતા હતા. IGIAનું સંચાલન દિલ્હી ઇન્ટરનેશનલ એરપોર્ટ લિમિટેડ (DIAL) દ્વારા કરવામાં આવે છે, જે GMR એરપોર્ટ ઇન્ફ્રાસ્ટ્રક્ચર લિમિટેડની આગેવાની હેઠળનું કન્સોર્ટિયમ છે
