નવી દિલ્હી, 27 ઓગસ્ટ 2026: ગૃહમંત્રી અમિત શાહે નેપાળમાં આવેલા પૂર અંગે બિહાર અને ઉત્તર પ્રદેશના મુખ્યમંત્રીઓ સાથે વાતચીત કરી હતી. સોશિયલ મીડિયા પરની એક પોસ્ટમાં અમિત શાહે જણાવ્યું હતું કે, પૂરથી પ્રભાવિત થવાની શક્યતા ધરાવતા સરહદી વિસ્તારોમાં સ્થાનિક વહીવટીતંત્ર, રાહત અને બચાવ ટીમો તેમજ નેશનલ ડિઝાસ્ટર રિસ્પોન્સ ફોર્સ (NDRF) ને હાઈ એલર્ટ પર રાખવામાં આવ્યા છે. તેમણે નોંધ્યું હતું કે નેપાળમાં પૂરને કારણે થયેલી તબાહી ખરેખર ચિંતાજનક છે અને સંકટના આ સમયમાં ભારત સરકાર નેપાળની પડખે ઊભી છે.
નેપાળમાં આવેલા ભયાનક પૂર અને ગંડક નદીના જળસ્તરમાં સંભવિત વધારાને ધ્યાનમાં રાખીને, બિહાર સરકારે નદીના કિનારે આવેલા જિલ્લાઓને જેમાં પશ્ચિમ ચંપારણ, પૂર્વ ચંપારણ, ગોપાલગંજ, સારણ, મુઝફ્ફરપુર અને વૈશાલીનો સમાવેશ થાય છે સતર્ક રહેવા સૂચના આપી છે. અમારા સંવાદદાતાના અહેવાલ મુજબ, ગંડક નદીનું જળસ્તર હવે ઘટવા લાગ્યું છે.
વધુ વાંચો: નેપાળમાં જળપ્રલય: પૂરને કારણે અત્યાર સુધીમાં 165 મૃતદેહો મળી આવ્યા,1500 લોકો લાપતા
