આવું કેવુ? આ દેશમાં પત્નીનો બર્થ-ડે ભૂલી જવું તે ગુનો છે
- આ દેશમાં અનોખો નિયમ
- પત્નીનો જન્મદિવસ ભૂલવો ગુનો
- આ વાત જાણીને સૌ કોઈ ચોંકી ગયા
પેસિફિક મહાસાગરના પોલિનેશિયન પ્રદેશમાં સમોઆ નામનો એક નાનો દેશ છે. આ એક ટાપુ દેશ છે જે તેની સુંદરતા માટે પ્રખ્યાત છે. પરંતુ એક વિચિત્ર કાયદો છે જે તેને ચર્ચામાં રાખે છે. સમોઆનો એક કાયદો છે કે જો કોઈ પતિ તેની પત્નીનો જન્મદિવસ ભૂલી જાય, તો તે ગુનો માનવામાં આવશે અને જો તેની પત્ની ઇચ્છે તો પતિ સામે ફરિયાદ કરી શકે છે.
વર્ષો જૂના વિશ્વના વિવિધ દેશોમાં ઘણા કાયદાઓ ઘડવામાં આવ્યા છે. આ કાયદાઓ તે સમાજ અનુસાર ઘડવામાં આવ્યા હતા પરંતુ આજે પણ તેનું પાલન કરવામાં આવી રહ્યું છે. આ કાયદાઓ બદલાતા સમય સાથે બદલાયા નથી. સોશિયલ મીડિયા પર દેશના કાયદાને લઈને પણ ઘણી વાતો થઈ રહી છે. જોકે, ઘણી વેબસાઇટ્સ આવા કાયદાઓ સાથે સંબંધિત સમાચારોની વિશ્વસનીયતા પર પણ સવાલ ઉઠાવે છે.
સમોઆ ઓબ્ઝર્વર નામની વેબસાઇટે કથિત કાયદા વિશેનું સત્ય જાહેર કર્યું છે. ફેબ્રુઆરી ૨૦૨૦માં પ્રકાશિત વેબસાઇટ પરના અહેવાલ મુજબ મહિલાઓને સશક્ત બનાવતો કાયદો વિકૃત કરવામાં આવી રહ્યો છે.
રિપોર્ટ અનુસાર દેશમાં છેલ્લા કેટલાક વર્ષોમાં ઘરેલુ હિંસાના ઘણા કેસ નોંધાયા છે. ત્યારબાદ એક મહિલાએ અન્ય મહિલા સાથે તેના પતિની ચેટ વાંચ્યા પછી પોતાને આગ ચાંપી દીધી હતી. તેથી અહીં મહિલાઓ માટે ઘણા કાયદા છે. આમાંનો એક કાયદો છે પતિ પત્નીની અવગણના કરવા અંગેનો કાયદો. ઇન્ટરનેટ પર આ જ કાયદાની કેટલીક જોગવાઈઓ અતિશયોક્તિપૂર્ણ કરવામાં આવી છે.
