અમદાવાદ, 24 ઑક્ટોબર, 2026 – Immigration Awareness Seminar ગુજરાત સરકારના ગુજરાત સ્ટેટ નોન-રેસિડન્ટ ગુજરાતીઝ ફાઉન્ડેશન (NRG Foundation), ગાંધીનગર દ્વારા ગુજરાત ચેમ્બર ઑફ કોમર્સ એન્ડ ઇન્ડસ્ટ્રી (GCCI)ના NRG સેન્ટર, અમદાવાદના સહયોગથી ઇમિગ્રેશન અવેરનેસ સેમિનારનું આયોજન કરવામાં આવ્યું હતું. આ સેમિનારનો મુખ્ય હેતુ ઇમિગ્રેશન સંબંધિત ઊભા થતા પ્રશ્નો, બદલાતા વિઝા નિયમો, વિદેશમાં નિવાસ સંબંધિત મુશ્કેલીઓ તેમજ ભારત પરત ફરતી વખતે સામનો કરવો પડતા પડકારો અંગે લોકોને યોગ્ય માર્ગદર્શન અને જાગૃતિ પૂરી પાડવાનો હતો.
22 ઑક્ટોબર, 2026ના રોજ GCCI, આશ્રમ રોડ, અમદાવાદ ખાતે યોજાયેલા આ કાર્યક્રમમાં GCCI તથા NRG ફાઉન્ડેશનના પ્રતિનિધિઓ સાથે ઇમિગ્રેશન ક્ષેત્રના નિષ્ણાત અને NB Visa World Pvt. Ltd.ના મેનેજિંગ ડિરેક્ટર શ્રી જનક નાયકે ઇમિગ્રેશન સંબંધિત વિવિધ મુદ્દાઓ પર મહત્વનું માર્ગદર્શન પૂરું પાડ્યું હતું. આ સેમિનારનો ઉદ્દેશ ઇમિગ્રેશન સંબંધિત બાબતોમાં લોકોને સાચી માહિતીના આધારે યોગ્ય અને સમજદારીપૂર્વક નિર્ણય લેવા માટે સક્ષમ બનાવવાનો હતો.
આ પણ વાંચોઃ 10,000 કરોડનું નુકસાન થશે, આગામી રેલી સ્થગિત કરોઃ દિલ્હીના વેપારીઓની રાહુલ ગાંધીને અપીલઃ VIDEO
કાર્યક્રમનો પ્રારંભ GCCIના NRG ટાસ્કફોર્સનાં ચેરપર્સન મિસ વિતસ્તા કૌલ વ્યાસના સ્વાગત પ્રવચનથી થયો હતો. તેમણે પોતાના સંબોધનમાં બિનનિવાસી ગુજરાતીઓ (NRGs) અને તેમના પરિવારોને ઇમિગ્રેશન સંબંધિત વિવિધ પડકારોનો સામનો કરવામાં મદદરૂપ થાય તેવા જાગૃતિ કાર્યક્રમોના મહત્ત્વ પર ભાર મુક્યો હતો.
ત્યારબાદ GCCIના NRG ટાસ્કફોર્સના કમિટી મેમ્બર શ્રી જયેશ પરીખે પ્રાસંગિક સંબોધન કર્યું હતું અને ઉપસ્થિત મહેમાન વક્તાનો પરિચય કરાવ્યો હતો. તેમણે આંતરરાષ્ટ્રીય સ્તરે ઇમિગ્રેશનના નિયમોમાં થતા ફેરફારોને ધ્યાનમાં રાખીને વિશ્વસનીય માહિતી અને યોગ્ય માર્ગદર્શન મેળવવાની આવશ્યકતા પર ભાર મૂક્યો હતો.
આ પ્રસંગે ગાંધીનગરસ્થિત NRG ફાઉન્ડેશનના શ્રી ચૈતન્ય સંઘાણીએ ફાઉન્ડેશનની વિવિધ પ્રવૃત્તિઓની માહિતી આપી હતી. તેમણે બિનનિવાસી ગુજરાતીઓને માહિતી, સંસ્થાકીય સહાય અને વિવિધ સ્તરે સંકલન દ્વારા સહયોગ પૂરો પાડવામાં ફાઉન્ડેશનની ભૂમિકા અંગે વિસ્તૃત જાણકારી આપી હતી.
સેમિનારના મુખ્ય વક્તા NB Visa World Pvt. Ltd.ના મેનેજિંગ ડિરેક્ટર શ્રી જનક નાયકે ઇમિગ્રેશન પ્રક્રિયાઓ, વિઝા અને નિવાસ સંબંધિત શરતો, જરૂરી દસ્તાવેજો તથા વિદેશથી ભારત પરત ફરતી વખતે ઊભા થતા પડકારો અંગે વિસ્તૃત માર્ગદર્શન આપ્યું હતું. તેમણે વિદેશમાં રોજગાર મેળવવા સહિત ઇમિગ્રેશન સંબંધિત મહત્ત્વપૂર્ણ નિર્ણયો લેતી વખતે સત્તાવાર માધ્યમો દ્વારા માહિતીની ખરાઈ કરવા અને લાયકાત ધરાવતા નિષ્ણાતોની સલાહ લેવા પર વિશેષ ભાર મૂક્યો હતો. તેમણે યોગ્ય માહિતી અને માર્ગદર્શનના આધારે નિર્ણય લેવાથી સંભવિત મુશ્કેલીઓ ટાળી શકાય છે તે અંગે પણ સમજ આપી હતી.
કાર્યક્રમ દરમિયાન યોજાયેલા પ્રશ્નોત્તરી સત્રમાં ઉપસ્થિતોએ ઇમિગ્રેશન, વિઝા પ્રક્રિયા અને વિદેશમાં નિવાસ સંબંધિત વિવિધ પ્રશ્નો રજૂ કર્યા હતા, જેના દ્વારા તેમને પોતાના પ્રશ્નોનું નિરાકરણ મેળવવાની તક મળી હતી. કાર્યક્રમના અંતે GCCIની NRG કમિટીના કો-ચેરમેન શ્રી શાશ્વત દેસાઈએ આભારવિધિ કરી હતી.
, ગાંધીનગર દ્વારા ગુજરાત ચેમ્બર ઑફ કોમર્સ એન્ડ ઇન્ડસ્ટ્રી){kind=link}