1. Home
  2. ગુજરાતી
  3. ગુજરાત
  4. સાયલા તાલુકામાં ખનીજ ચોરીના મુદ્દે ત્રણ ડમ્પર સહિત દોઢ કરોડનો મુદ્દામાલ સીઝ કરાયો
સાયલા તાલુકામાં ખનીજ ચોરીના મુદ્દે ત્રણ ડમ્પર સહિત દોઢ કરોડનો મુદ્દામાલ સીઝ કરાયો

સાયલા તાલુકામાં ખનીજ ચોરીના મુદ્દે ત્રણ ડમ્પર સહિત દોઢ કરોડનો મુદ્દામાલ સીઝ કરાયો

0
Social Share

સુરેન્દ્રનગરઃ જિલ્લામાં ખનીજચોરીનું દુષણ વધતું જાય છે. જેમાં સાયલા તાલુકાના સુદામડા, મોટા કેરાળા અને જશાપર ગામની સીમ જમીનમાં ગેરકાયદે ખનીજ ચોરી ચિંતાજનક રીતે વધી રહી છે. ત્યારે ગઈકાલે મોટા કેરાળાની સીમમાં ડેપ્યુટી કલેક્ટર તેમજ ખનીજ વિભાગ દ્વારા રેડ પાડવામાં આવી હતી. જેમાં મોટા પાયે ગેરકાયદે ખનીજ ચોરી થતી હોવાનું બહાર આવ્યું હતું. અધિકારીઓએ  3 હિટાચી મશીન અને 3 ડમ્પર કિંમત રૂપિયા અંદાજિત દોઢ કરોડનો મુદ્દામાલ ઝડપી લીધો હતો. તમામ ડમ્પરને ડિટેઇન કરીને સાયલા પોલીસ સ્ટેશનને લઈ જવામાં આવ્યા હતા.

સુરેન્દ્રનગર જિલ્લામાં ખનીજચોરી બેરોકટોક થઈ રહી હોવાની ફરિયાદો ઊઠી હતી. તંત્ર દ્વારા અવાર-નવાર દરોડા પાડવામાં આવે છે. અને તે જ સ્થળે ફરી ખનીજચોરી શરૂ થઈ જતી હોય છે. ખનીજ માફિયાઓ તંત્રને પણ ગાંઠતા નથી. ખનીજ માફિયાઓના ડમ્પરો પણ ઓવરલોડ ભરવામાં આવતા હોય છે. ત્યારે મોટા કેરાળાની સીમમાં ડેપ્યુટી કલેક્ટર તેમજ ખનીજ વિભાગ દ્વારા રેડ પાડવામાં આવી હતી. જેમાં મોટા પાયે ગેરકાયદે ખનીજ ચોરી થતી હોવાનું બહાર આવ્યું હતું. અધિકારીઓએ  3 હિટાચી મશીન અને 3 ડમ્પર કિંમત રૂપિયા અંદાજિત દોઢ કરોડનો મુદ્દામાલ ઝડપી લીધો હતો.

આ ઉપરાંત વઢવાણ નાયબ કલેકટરની ટીમે સાયલા હાઇવે ઉપરથી ઓવર લોડ કપચી ભરેલા 3 ડમ્પર પકડી લીધા હતા. સુરેન્દ્રનગર જિલ્લામાં ખાસ કરીને રેતી, કપચી અને કાર્બોસેલના વાહન માટે અનેક વાહનો દોડી રહ્યા છે. કયા વાહનમાં કેટલો માલ ભરવો તેના માટે નિયમો બનાવ્યા છે પરંતુ તેમ છતા વધુ પૈસા કમાવવાની લાલચમાં માલિકો પોતાના વાહનોમાં ઓવરલોડ માલ ભરતા હોય છે. જેમાં ખાસ કરીને ડમ્પરમાં સૌથી વધુ ઓવર લોડ માલ ભરવામાં આવે છે. આ બાબતની નોંધ લઇને વઢવાણ નાયબ કલેક્ટરની ટીમે સાયલા લીંબડી નેશનલ હાઇવે ઉપર ચેકિંગ દરમિયાન 3 ડમ્પરની તપાસ કરતા તેમાં વધુ પ્રમાણમાં કપચી હતી. 3 ડમ્પરને ડિટેઇન કરીને હોટલ ઉપર રાખી દેવામાં આવ્યા હતા.

LEAVE YOUR COMMENT

Your email address will not be published. Required fields are marked *

Join our WhatsApp Channel

And stay informed with the latest news and updates.

Join Now
revoi whats app qr code