Homeગુજરાતીભારતની સંરક્ષણ નિકાસ 21,000 કરોડ રૂપિયાને પારઃ રાજનાથ સિંહ

ભારતની સંરક્ષણ નિકાસ 21,000 કરોડ રૂપિયાને પારઃ રાજનાથ સિંહ

નવી દિલ્હીઃ રક્ષામંત્રી રાજનાથ સિંહે કહ્યું છે કે 2023-24માં પહેલીવાર દેશની રક્ષા નિકાસ 21 હજાર કરોડ રૂપિયાના આંકડાને વટાવી ગઈ છે. એક સોશિયલ મીડિયા પોસ્ટમાં, સિંહે જણાવ્યું હતું કે, સંરક્ષણ નિકાસમાં પાછલા નાણાકીય વર્ષ કરતાં 32 ટકાથી વધુની અદભૂત વૃદ્ધિ જોવા મળી છે.

સંરક્ષણ મંત્રાલયે ભારતના સંરક્ષણ ઉત્પાદન અને નિકાસને પ્રોત્સાહન આપવા માટે ઘણી પહેલ કરી છે. મંત્રીએ કહ્યું કે, ખાનગી ક્ષેત્ર અને સંરક્ષણ જાહેર ક્ષેત્રના ઉપક્રમો સહિત દેશના સંરક્ષણ ઉદ્યોગોએ તાજેતરના વર્ષોમાં પ્રશંસનીય કામગીરી નોંધાવી છે. શ્રી સિંહે સંરક્ષણ નિકાસમાં નવા સીમાચિહ્નને પાર કરવા બદલ તમામ હિતધારકોને અભિનંદન પાઠવ્યા હતા. અત્રે ઉલ્લેખનીય છે કે, ભારત અને ગુયાના વચ્ચે સંરક્ષણ ભાગીદારીમાં એક નવો અધ્યાય શરૂ થયો છે. ભારતે ગયાના સંરક્ષણ દળને બે ડોર્નિયર-228 વિમાનો સોંપ્યા છે. એરફોર્સની ટીમ રવિવારે મોડી રાત્રે બંને વિમાનોને 2 C-17 ટ્રાન્સપોર્ટ એરક્રાફ્ટમાં લઈને ગયાના પહોંચી હતી, જ્યાં હાઈ કમિશનરે તેમનું સ્વાગત કર્યું હતું. બંને ડોર્નિયર-228 એરક્રાફ્ટ લાઇન ઓફ ક્રેડિટના ભાગરૂપે ગયાનાને આપવામાં આવ્યા છે. આ ડીલ માટે, ગયાના ડિફેન્સ ફોર્સે ભારત સાથે $23.27 મિલિયનની લોન પર લાઇન ઓફ ક્રેડિટ (LOC) પર હસ્તાક્ષર કર્યા હતા.

ગયાના ડિફેન્સ ફોર્સ (GDF) એ 23.27 મિલિયન ડોલરની લોન હેઠળ દરિયાઈ પેટ્રોલિંગ અને સૈનિકોની હિલચાલ માટે ભારત પાસેથી બે ડોર્નિયર-228 એરક્રાફ્ટ ખરીદીને તેની સુરક્ષા ક્ષમતામાં વધારો કર્યો છે. ભારતીય સંરક્ષણ ઉદ્યોગ આ ડીલ દ્વારા ગુયાના ડિફેન્સ ફોર્સ સાથે કેરેબિયન દેશમાં પ્રવેશ્યો છે. ગયાના નાણામંત્રી અને એક્ઝિમ બેંકના ડેપ્યુટી જીએમ વચ્ચે 15 માર્ચે આ સંબંધમાં એક કરાર પર હસ્તાક્ષર કરવામાં આવ્યા હતા. હિન્દુસ્તાન એરોનોટિક્સ લિમિટેડ (HAL) માં ઉત્પાદિત 228 એરક્રાફ્ટ, ગયાનાના પ્રદેશમાં ટૂંકા ટેક-ઓફ અને લેન્ડિંગ કામગીરી માટે આદર્શ માનવામાં આવે છે. તેનો ઉપયોગ દરિયાઈ પેટ્રોલિંગ તેમજ સૈન્ય થાણાઓની પુનઃ સપ્લાય, આંતરિક સ્થળોએ સૈનિકોની અવરજવર માટે કરવામાં આવશે.

spot_img
spot_img
સંબંધિત લેખો
spot_img
spot_img

Most Popular

spot_img