નવી દિલ્હી, 04 ઓક્ટોબર 2026: ઉપરાષ્ટ્રપતિ સી.પી. રાધાકૃષ્ણને જણાવ્યું છે કે દેશની સંસ્થાઓ, સૂક્ષ્મ, લઘુ અને મધ્યમ ઉદ્યોગો (MSMEs) તથા નવીનતાને મજબૂત બનાવીને જ ‘વિકસિત ભારત’નું નિર્માણ થઈ શકશે. નવી દિલ્હીમાં ‘ઇન્સ્ટિટ્યૂટ ઓફ કંપની સેક્રેટરીઝ ઓફ ઇન્ડિયા’ના 58મા સ્થાપના દિવસના સમારોહને સંબોધતા તેમણે કહ્યું કે રોકાણકારોનો વિશ્વાસ જીતીને જ દેશ પ્રગતિ કરી શકે છે. ઉપરાષ્ટ્રપતિએ નોંધ્યું હતું કે ભારત વિશ્વની સૌથી ઝડપથી વિકસતી અર્થવ્યવસ્થાઓમાંનું એક છે અને તે ઝડપી તકનીકી પરિવર્તનના યુગમાં પણ પ્રવેશ કરી રહ્યું છે.
રાધાકૃષ્ણને જણાવ્યું હતું કે દેશમાં બહેતર કોર્પોરેટ ગવર્નન્સને પ્રોત્સાહન આપવામાં સંસ્થાનું યોગદાન પ્રશંસનીય રહ્યું છે અને તેણે ટકાઉ વિકાસના ક્ષેત્રમાં વૈશ્વિક ધોરણો સ્થાપિત કર્યા છે. તેમણે વિશ્વાસ વ્યક્ત કર્યો હતો કે ‘આત્મનિર્ભર ભારત’ના નિર્માણની દિશામાં સંસ્થાના સામૂહિક પ્રયાસો ભારતને વિશ્વની સૌથી મોટી અર્થવ્યવસ્થા બનવામાં મદદરૂપ થશે.
વધુ વાંચો: વાયુસેના પ્રમુખ એ.પી. સિંહે બીજી સેખોં ઈન્ડિયન એરફોર્સ મેરેથોનને લીલી ઝંડી બતાવી
 તથા નવીનતાને મજબૂત બનાવીને જ 'વિકસિત){kind=link}