ઈશા અંબાણી હશે રિલાયન્સ રિટેલની નવી બોસ,આકાશને Jioના હેડ બનાવ્યા બાદ મુકેશ અંબાણીએ લીધો નવો નિર્ણય
મુંબઈ:એશિયાના સૌથી ધનિક પરિવારમાં ઉત્તરાધિકારી પસંદ કરવાની પ્રક્રિયા શરૂ થઈ ગઈ છે. મુકેશ અંબાણી ઉત્તરાધિકારી આયોજનને લઈને ચાલી રહેલી યોજના હેઠળ આગામી મોટા નિર્ણયની જાહેરાત કરી શકે છે.
અહેવાલ મુજબ, રિલાયન્સ ઇન્ડસ્ટ્રીઝ સમૂહની ઘણી કામગીરીનો એક ભાગ બનેલી તેમની પુત્રી ઈશા અંબાણી હવે તેના રિટેલ યુનિટ રિલાયન્સ રિટેલની અધ્યક્ષ બનશે.હજુ સુધી તેની સત્તાવાર જાહેરાત કરવામાં આવી નથી, પરંતુ આ માહિતી જાહેર કરવામાં આવી શકે છે.આ બાબતની જાણકારી ધરાવતા કેટલાક લોકોએ નામ ન આપવાની શરતે આ વાત જણાવી છે.ઈશા અંબાણી હાલમાં રિલાયન્સ રિટેલ વેન્ચર્સ લિ.ના ડિરેક્ટર છે.
ઈશાને રિટેલ યુનિટના ચેરમેન બનાવવાના સમાચાર એવા સમયે આવી રહ્યા છે જ્યારે મંગળવારે જ તેના જુડવા ભાઈ આકાશ અંબાણીને ટેલિકોમ યુનિટના ચેરમેન બનાવવામાં આવ્યા છે.ઈશા અંબાણી અને આકાશ અંબાણી બંનેએ મેટા પ્લેટફોર્મ સાથે રોકાણના સોદામાં રિલાયન્સનું પ્રતિનિધિત્વ કર્યું છે.
રિલાયન્સ રિટેલ અને રિલાયન્સ જિયો રિલાયન્સ ગ્રુપની પેટાકંપની છે.રિલાયન્સ ઇન્ડસ્ટ્રીઝ એ સમૂહની મુખ્ય કંપની છે જેની કિંમત 217 બિલિયન ડોલર છે.
