HomeગુજરાતીJALDOOT એપઃ ગ્રામીણ વિસ્તારમાં કુવાના પાણીના સ્તરને માપી શકાશે

JALDOOT એપઃ ગ્રામીણ વિસ્તારમાં કુવાના પાણીના સ્તરને માપી શકાશે

નવી દિલ્હીઃ ગ્રામીણ વિકાસ મંત્રાલયે “જલદૂત એપ્લિકેશન” વિકસાવી છે જેનો ઉપયોગ ગામમાં પસંદ કરેલા કુવાના પાણીના સ્તરને મેળવવા માટે સમગ્ર દેશમાં કરવામાં આવશે. કેન્દ્રીય ગ્રામીણ વિકાસ અને પંચાયતી રાજ મંત્રી ગિરિરાજ સિંહ મંગળવારે નવી દિલ્હીમાં “JALDOOT એપ” લોન્ચ કરશે. જલદૂત એપ ગ્રામ રોજગાર સહાયક (GRS)ને વર્ષમાં બે વાર (પ્રિ-મોન્સુન અને પોસ્ટ-મોન્સૂન) પસંદ કરેલા કુવાના પાણીના સ્તરને માપવા માટે સક્ષમ બનાવશે. દરેક ગામમાં, પર્યાપ્ત સંખ્યામાં માપન સ્થાનો (2-3) પસંદ કરવાના રહેશે. તેઓ ગામમાં ભૂગર્ભ જળ સ્તરના પ્રતિનિધિ હશે.

આ એપ પંચાયતોને મજબૂત ડેટા સાથે સુવિધા આપશે, જેનો ઉપયોગ કામોના વધુ સારા આયોજન માટે થઈ શકશે. ગ્રામ પંચાયત વિકાસ યોજના (GPDP) અને મહાત્મા ગાંધી નરેગા આયોજન કવાયતના ભાગરૂપે ભૂગર્ભ જળ ડેટાનો ઉપયોગ કરી શકાય છે. વધુમાં, ડેટાનો ઉપયોગ વિવિધ પ્રકારના સંશોધન અને અન્ય હેતુઓ માટે પણ થઈ શકે છે.

દેશે વોટરશેડ ડેવલપમેન્ટ, ફોરેસ્ટેશન, વોટર બોડી ડેવલપમેન્ટ અને રિનોવેશન, રેઈન વોટર હાર્વેસ્ટિંગ વગેરે દ્વારા ગ્રામીણ અને શહેરી બંને વિસ્તારોમાં જળ વ્યવસ્થાપનમાં સુધારો કરવા માટે ઘણાં પગલાં લીધાં છે. જો કે, ભૂગર્ભ જળનો ઉપાડ, તેમજ સપાટી પરના જળ સ્ત્રોતોનો ઉપયોગ દેશના ઘણા ભાગોમાં નિર્ણાયક સ્તરે પહોંચી ગયો છે, જેના પરિણામે પાણીના સ્તરમાં નોંધપાત્ર ઘટાડો થયો છે જેના કારણે ખેડૂતો સહિત સમુદાયને તકલીફ થાય છે. તેથી સમગ્ર દેશમાં પાણીના સ્તરનું માપન અને અવલોકન જરૂરી બની ગયું છે.

(PHOTO-FILE)

spot_img
spot_img
સંબંધિત લેખો
spot_img
spot_img

Most Popular

spot_img