લોકસભાના અધ્યક્ષ ઓમ બિરલા અવિશ્વાસ પ્રસ્તાવ પર નિર્ણય ન આવે ત્યાં સુધી ગૃહની કાર્યવાહીથી દૂર રહેશે

નવી દિલ્હી, 11 ફેબ્રુઆરી 2026: લોકસભાના અધ્યક્ષ ઓમ બિરલાએ નૈતિક ધોરણે નિર્ણય લીધો છે કે જ્યાં સુધી વિપક્ષ દ્વારા તેમની સામે રજૂ કરાયેલા અવિશ્વાસ પ્રસ્તાવ પર નિર્ણય ન લેવાય ત્યાં સુધી તેઓ ગૃહની કાર્યવાહીમાં ભાગ લેશે નહીં. વિપક્ષે બિરલા સામે અવિશ્વાસ પ્રસ્તાવની નોટિસ આપી હતી, જે લોકસભાના મહાસચિવને સુપરત કરવામાં આવી છે.

લોકસભા સચિવાલયના સૂત્રોના જણાવ્યા અનુસાર, આ નોટિસની નિયમો અનુસાર તપાસ કરવામાં આવશે અને આગળની કાર્યવાહી કરવામાં આવશે. મહાસચિવને સુપરત કરવામાં આવેલી આ નોટિસ પર કોંગ્રેસ, ડીએમકે, સમાજવાદી પાર્ટી, આરજેડી અને ડાબેરી પક્ષો સહિત વિપક્ષી પક્ષોના 118 સાંસદોએ સહી કરી છે, જ્યારે તૃણમૂલ કોંગ્રેસના સાંસદોએ આ નોટિસ પર સહી કરી નથી.

વધુ વાંચોઃ દેશનો ઘરેલુ વેપાર પહેલા કરતાં વધુ મજબૂત બન્યો: પીયૂષ ગોયલ