નવી દિલ્હી, 23 સપ્ટેમ્બર 2026: ભારતની સ્ટાર વેઈટલિફ્ટર મીરાબાઈ ચાનુએ એશિયન ગેમ્સમાં સિલ્વર મેડલ જીતીને ઈતિહાસ રચ્યો છે. એશિયન ગેમ્સમાં મેડલ જીતવાની તેમની આ પ્રથમ ઘટના છે. મીરાબાઈએ ‘સ્નેચ’ રાઉન્ડમાં 87 કિગ્રા અને ‘ક્લીન એન્ડ જર્ક’માં 111 કિગ્રા વજન ઊંચક્યું હતું, જેનાથી તેમનો કુલ સ્કોર 198 કિગ્રા થયો હતો. ઉત્તર કોરિયાની રી સોંગ-ગમે કુલ 215 કિગ્રા વજન ઊંચકીને ગોલ્ડ મેડલ જીત્યો; એશિયન ગેમ્સમાં તેમનો આ સતત ત્રીજો ગોલ્ડ મેડલ છે.
28 વર્ષ બાદ ઈતિહાસ રચાયો
1951માં એશિયન ગેમ્સમાં આ રમતનો સમાવેશ કરવામાં આવ્યો ત્યારથી, ભારતે વેઇટલિફ્ટિંગમાં કુલ 15 મેડલ જીત્યા છે 6 સિલ્વર અને 9 બ્રોન્ઝ પરંતુ એક પણ ગોલ્ડ મેડલ જીત્યો નથી. 1998માં બેંગકોકમાં કર્ણમ મલ્લેશ્વરીએ સિલ્વર મેડલ જીત્યો હતો તે પછી, ભારત દ્વારા વેઇટલિફ્ટિંગમાં સિલ્વર મેડલ જીતવાની આ બીજી ઘટના છે.
મીરાબાઈ ચાનુએ વેઈટલિફ્ટિંગમાં ઈતિહાસ રચ્યો
મીરાબાઈ ચાનુની એશિયન ગેમ્સની સફર 2014ની ઈન્ચિયોન ગેમ્સથી શરૂ થઈ હતી. મહિલાઓની 48 કિગ્રા વર્ગની સ્પર્ધામાં તેમણે નમું સ્થાન મેળવ્યું હતું. ઈજાને કારણે તેઓ 2018ની જકાર્તા ગેમ્સમાં ભાગ લઈ શક્યા ન હતા, પરંતુ 2022ની હાંગઝોઉ ગેમ્સમાં તેમણે વાપસી કરી હતી. ત્યાં, મહિલાઓની 49 કિગ્રા વર્ગની સ્પર્ધામાં, ચાનુએ કુલ 191 કિગ્રા વજન ઉપાડીને ચોથું સ્થાન હાંસલ કર્યું હતું.
ભારતના અત્યાર સુધીના મેડલ
મહિલા ક્રિકેટ ટીમ – ગોલ્ડ
હિમાંશુ ધિલ્લોન – 10 મીટર એર રાઈફલ – સિલ્વર
રૂદ્રાંક્ષ પાટીલ-પાર્થ માને-હિમાંશુ ધિલ્લોન – 10 મીટર એર રાઈફલ ટીમ – સિલ્વર
ઈલાવેનિલ વાલારિવાન – 10 મીટર એર રાઈફલ – સિલ્વર
ઈલાવેનિલ-વિદર્સા-સોનમ – 10 મીટર એર રાઈફલ ટીમ – સિલ્વર
ભવતેજ-અનંત-માખરાજ – સ્કીટ શૂટિંગ ટીમ (પુરુષ) – બ્રોન્ઝ
પરિનાઝ-મહેશ્વરી-રાયઝા – સ્કીટ શૂટિંગ ટીમ (મહિલા) – બ્રોન્ઝ
જય મીના – સોફ્ટ ટેનિસ – બ્રોન્ઝ (પ્રથમ વખત)
સુચિકા તર્યાલ – MMA – બ્રોન્ઝ
રૂદ્રાંક્ષ પાટીલ – 10 મીટર એર રાઈફલ – બ્રોન્ઝ
મીરાબાઈ ચાનુ – સિલ્વર મેડલ (2026 એશિયન ગેમ્સ)
વધુ વાંચો: હેપેટાઇટિસ-બી અને સીને જાહેર આરોગ્યના ખતરામાંથી મુક્ત કરવા ભારત પ્રતિબદ્ધ
