અમદાવાદ, 23 સપ્ટેમ્બર, 2026: Introduction of state-of-the-art PET-CT, Gamma Camera, and targeted therapies કેન્સરની સારવારમાં હવે માત્ર શરીરમાં ગાંઠ ક્યાં છે તે જાણવું પૂરતું નથી. ગાંઠ કેટલી સક્રિય છે અને શરીરમાં કેવી રીતે વર્તી રહી છે તે સમજવું પણ અગત્યનું છે. આ દિશામાં એક મહત્વપૂર્ણ પગલું ભરતાં અમદાવાદ સ્થિત HCG Aastha Cancer Centre ખાતે અદ્યતન PET-CT, Gamma Camera અને કેન્સરના કોષોને નિશાન બનાવીને સારવાર આપતી Targeted Therapies શરૂ કરવામાં આવી છે.
આ નવી સુવિધાઓની મદદથી ડૉક્ટરો કેન્સરની વધુ ચોકસાઈથી તપાસ કરી શકશે, રોગ શરીરમાં કેટલો ફેલાયો છે તે વધુ સારી રીતે સમજી શકશે અને દર્દીની સ્થિતિ પ્રમાણે યોગ્ય સારવાર પસંદ કરી શકશે.
Gamma Camera શું છે?
Gamma Camera એક ખાસ પ્રકારનું સ્કેનિંગ મશીન છે. સામાન્ય સ્કેનથી શરીરના કોઈ અંગનો આકાર અને તેની રચના જોઈ શકાય છે, જ્યારે Gamma Camera એ અંગ યોગ્ય રીતે કામ કરી રહ્યું છે કે નહીં તે સમજવામાં પણ ડૉક્ટરોને મદદ કરે છે. આ તપાસ દરમિયાન દર્દીને Tracer નામનો એક વિશેષ પદાર્થ ખૂબ જ ઓછી અને સુરક્ષિત માત્રામાં આપવામાં આવે છે. આ પદાર્થ શરીરમાં કયા ભાગમાં અને કેવી રીતે જાય છે તેની માહિતી Gamma Camera મેળવે છે અને તેના આધારે શરીરના અંગો કેવી રીતે કામ કરી રહ્યાં છે તેના ચિત્રો તૈયાર થાય છે.
આ તપાસથી શરીરના કેટલાક અંગોમાં રહેલી સમસ્યાઓને વહેલી તકે ઓળખવામાં અને સારવાર અંગે યોગ્ય નિર્ણય લેવામાં મદદ મળી શકે છે. Gamma Cameraનો ઉપયોગ હૃદય, થાઇરોઇડ, લીવર, ગોલબ્લેડર, કિડની અને મૂત્રતંત્ર સહિત શરીરના વિવિધ અંગોની તપાસ માટે થઈ શકે છે.
PET-CT: કેન્સર ક્યાં છે અને કેટલું સક્રિય છે તે સમજવામાં મદદ
PET-CT કેન્સરની તપાસ માટે ઉપયોગી અદ્યતન સ્કેન છે. તેમાં બે પ્રકારની તપાસ — PET અને CT — એકસાથે કરવામાં આવે છે. સરળ ભાષામાં કહીએ તો, PET સ્કેન શરીરમાં કયા કોષો વધુ સક્રિય છે તે બતાવે છે, જ્યારે CT સ્કેન શરીરની અંદરના અંગો અને ગાંઠનું વિગતવાર ચિત્ર આપે છે. કેન્સરના કોષો સામાન્ય કોષોની સરખામણીમાં ઘણી વખત વધુ સક્રિય હોય છે. PET-CTની મદદથી ડૉક્ટરોને કેન્સર શરીરના કયા ભાગમાં છે, તે કેટલું ફેલાયું છે અને કેટલું સક્રિય છે તેની વધુ સ્પષ્ટ માહિતી મળી શકે છે.
