નવી દિલ્હી, 02 ઓક્ટોબર 2026: આજે દેશ ભૂતપૂર્વ વડાપ્રધાન લાલ બહાદુર શાસ્ત્રીને તેમની 122મી જન્મજયંતિ પર શ્રદ્ધાંજલિ અર્પણ કરી રહ્યો છે. તેમનો જન્મ 2 ઓક્ટોબર, 1904ના રોજ ઉત્તર પ્રદેશના પંડિત દીનદયાળ ઉપાધ્યાય નગરમાં થયો હતો જે સ્થળ અગાઉ મુઘલસરાય તરીકે ઓળખાતું હતું.
તેઓ કિશોરાવસ્થા દરમિયાન દેશના સ્વાતંત્ર્ય સંગ્રામમાં જોડાયા હતા અને 1921માં અસહકાર આંદોલનમાં ભાગ લીધો હતો. આઝાદી પછી, લાલ બહાદુર શાસ્ત્રીએ ઉત્તર પ્રદેશમાં અને ત્યારબાદ કેન્દ્ર સરકારમાં પણ અનેક મહત્વપૂર્ણ હોદ્દાઓ સંભાળ્યા હતા.
રાષ્ટ્રપતિ દ્રૌપદી મુર્મુએ નવી દિલ્હીના વિજય ઘાટ ખાતે ભૂતપૂર્વ વડાપ્રધાન લાલ બહાદુર શાસ્ત્રીને તેમની 122મી જન્મજયંતિ નિમિત્તે શ્રદ્ધાંજલિ અર્પણ કરી.
ઉપ-રાષ્ટ્રપતિ સી.પી. રાધાકૃષ્ણન, વડાપ્રધાન નરેન્દ્ર મોદી, લોકસભાના અધ્યક્ષ ઓમ બિરલા અને દિલ્હીના મુખ્યમંત્રી રેખા ગુપ્તાએ પૂર્વ વડાપ્રધાન લાલ બહાદુર શાસ્ત્રીની જન્મજયંતિ નિમિત્તે વિજય ઘાટ ખાતે તેમના સ્મારક પર પુષ્પાંજલિ અર્પણ કરી.
