રાજસ્થાનના અજમેરમાં એક મોટો ટ્રેન અકસ્માત થયો છે. રવિવારે મોડી રાત્રે અજમેરના મદાર રેલવે સ્ટેશન પાસે બે ટ્રેન એક પાટા પર આવી ગઈ હતી, જેના કારણે એન્જિન સહિત પેસેન્જર ટ્રેનના ચાર જનરલ કોચ પાટા પરથી ઉતરી ગયા હતા.આ અકસ્માતમાં અનેક લોકો ઘાયલ થયા છે.
આ ઘટના મોડી રાત્રે 1 વાગ્યે બની હોવાનું કહેવાય છે. જો કે આ અકસ્માતમાં જાન-માલને કોઈ ખતરો હોવાના સમાચાર નથી. દુર્ઘટનાની માહિતી મળતાં જ રેલવે અધિકારીઓ ઘટનાસ્થળે પહોંચી ગયા હતા અને પાટા પરથી ઉતરેલા કોચ અને એન્જિનને પાટા પર લાવવા બચાવ કાર્ય શરૂ કર્યું હતું. આ અકસ્માતમાં અનેક લોકો ઘાયલ થયા છે. ઘાયલોને સારવાર માટે અજમેર સ્ટેશન મોકલવામાં આવ્યા છે.
રેલવે અધિકારીઓનું કહેવું છે કે ટ્રેન દુર્ઘટનાને કારણે અજમેર રૂટ પરની તમામ ટ્રેનો લગભગ 4 થી 6 કલાક સુધી પ્રભાવિત થશે. રેલવે પ્રશાસને રૂટ ડાયવર્ઝન અને ટ્રેકને પુનઃસ્થાપિત કરવા માટે બચાવ કામગીરી શરૂ કરી છે.
