નવી દિલ્હી, 04 ઓક્ટોબર 2026: વિશ્વ આરોગ્ય સંસ્થા (WHO) ના ‘ગ્લોબલ હેલ્થ એસ્ટિમેટ્સ’ (GHE) નો તાજેતરનો અહેવાલ જાહેર કરવામાં આવ્યો છે, જેણે ભારતમાં માર્ગ સુરક્ષા અને આરોગ્યસંભાળ વ્યવસ્થા અંગે ગંભીર પ્રશ્નો ઊભા કર્યા છે.
અહેવાલ મુજબ, ભારતમાં પુરુષોના મૃત્યુનું આઠમું મુખ્ય કારણ માર્ગ અકસ્માતો છે, જ્યારે મહિલાઓ માટે ઊંચાઈ પરથી કે અન્ય કારણોસર નીચે પડવાની ઘટનાઓ આઠમા ક્રમે આવે છે. એકંદરે, ભારતમાં પુરુષો અને મહિલાઓ બંને માટે માર્ગ અકસ્માતો મૃત્યુનું દસમું મુખ્ય કારણ છે.
ભારતમાં માર્ગ અકસ્માતોમાં થતી જાનહાનિનો ઊંચો આંકડો
વૈશ્વિક સ્તરે ડેટા એકત્રિત કરવાની શરૂઆત થઈ ત્યારથી, ભારતમાં માર્ગ અકસ્માતોને કારણે સૌથી વધુ મૃત્યુ નોંધાયા છે. વર્ષ 2023માં ભારતમાં માર્ગ અકસ્માતોમાં 1.74 લાખ લોકોએ જીવ ગુમાવ્યો હતો, જે વિશ્વભરમાં માર્ગ અકસ્માતોને કારણે થયેલા કુલ 12.2 લાખ મૃત્યુના 14% કરતાં વધુ હિસ્સો ધરાવે છે.
આંકડાઓમાં કોઈ ઘટાડો નહીં
નોંધપાત્ર બાબત એ છે કે છેલ્લા બે વર્ષમાં આ સ્થિતિ વધુ વણસી છે અને 2025માં આ આંકડો વધીને 1.83 લાખ સુધી પહોંચ્યો છે. ભારતમાં દરરોજ લગભગ 500 લોકો માર્ગ અકસ્માતોમાં જીવ ગુમાવે છે, જે દેશ માટે એક મોટો પડકાર છે.
દરમિયાન, નેશનલ ક્રાઈમ રેકોર્ડ્સ બ્યુરો (NCRB)ના આંકડા મુજબ, ભારતમાં ઊંચાઈ પરથી કે અન્ય રીતે નીચે પડવાને કારણે 25,150 લોકોએ જીવ ગુમાવ્યો હતો; આવી ઘટનાઓને કારણે થતા કુલ મૃત્યુમાં આ આંકડો લગભગ 3% જેટલો છે.
વધુ વાંચો: જિમ સંચાલક પર ગંભીર આરોપ: 100 હિન્દુ યુવતીઓને ટાર્ગેટ બનાવ્યાનો દાવો
 ના 'ગ્લોબલ હેલ્થ એસ્ટિમેટ્સ' (GHE) નો તાજેતરનો અહેવાલ જાહેર કરવામાં આવ્યો છે, જેણે ભારતમાં માર્ગ સુરક્ષા અને){kind=link}