નોઈડામાં 9 નવેમ્બરથી શાળાઓ ફરી ખુલશે,વધતા પ્રદૂષણને કારણે શાળાઓને બંધ કરવાનો લેવાયો હતો નિર્ણય
દિલ્હી:ગૌતમ બુદ્ધ નગર (નોઈડા)માં તમામ શાળાઓ 9 નવેમ્બરથી ખુલશે.ગૌતમ બુદ્ધ નગર ડીએમની અધ્યક્ષતામાં મળેલી બેઠકમાં આ નિર્ણય લેવામાં આવ્યો હતો.બેઠકમાં વાયુ પ્રદૂષણના અસરકારક નિયંત્રણ માટે કરવામાં આવી રહેલી કામગીરીની સમીક્ષા કરવામાં આવી હતી.જેમાં તમામ વહીવટી અધિકારીઓ, ઓથોરિટીના અધિકારીઓ, ડીસીપી ટ્રાફિક, ડિવિઝનલ ફોરેસ્ટ ઓફિસર, એઆરટીઓ, ડીઆઈઓએસ, ડિસ્ટ્રિક્ટ ફાયર ઓફિસર અને ઉત્તર પ્રદેશ પ્રદૂષણ નિયંત્રણ બોર્ડ નોઈડા અને ગ્રેટર નોઈડાના પ્રાદેશિક અધિકારીઓ આમાં ઉપસ્થિત રહ્યા હતા.
જિલ્લા મેજિસ્ટ્રેટે નિર્દેશ આપ્યો કે,CAQM (એર ક્વોલિટી મેનેજમેન્ટ કમિશન) ની સૂચનાઓ સુનિશ્ચિત કરવી જોઈએ. આમાં, સ્ટેજ-3 સુધી લાગુ તમામ જોગવાઈઓ અને નિયંત્રણો ગ્રાઉન્ડ પર અસરકારક રાખવા જોઈએ.
નોંધપાત્ર રીતે, દિલ્હી-એનસીઆરમાં પ્રદૂષણને ધ્યાનમાં રાખીને, ગૌતમ બુદ્ધ નગરમાં શાળાઓને બંધ કરવાનો નિર્ણય લેવામાં આવ્યો હતો. વહીવટીતંત્રે 8 નવેમ્બર સુધીમાં ધોરણ 1 થી 8 સુધીની શાળાઓ બંધ કરવાનો નિર્દેશ આપ્યો હતો. આ ક્રમમાં, જિલ્લામાં કાર્યરત તમામ બોર્ડની શાળાઓને ધોરણ 1 થી 8 ના વર્ગો ફરજિયાતપણે ઓનલાઈન મોડમાં ચલાવવાનો નિર્દેશ આપવામાં આવ્યો હતો.
