શ્રાવણ માસ સ્પેશિયલ: સાડીના લુકમાં ચાર ચાંદ લગાવી દેશે આ ટ્રેન્ડી ચાંદલાની ડિઝાઇન્સ
ચોમાસાની ઋતુમાં જ્યારે ચારેય તરફ હરિયાળી છવાઈ જાય છે અને તહેવારોની મોસમ શરૂ થાય છે, ત્યારે મહિલાઓમાં પારંપરિક પોશાક એટલે કે સાડી પહેરવાનો અનેરો ઉત્સાહ જોવા મળે છે. જો તમે પણ આ શ્રાવણ માસમાં સાડી પહેરવાની તૈયારી કરી રહ્યા છો, તો માત્ર સુંદર સાડી જ પૂરતી નથી, પરંતુ તેના પર શોભતી યોગ્ય ચાંદલો એટલે કે બિંદીની પસંદગી પણ એટલી જ મહત્વની છે. કપાળ પર લગાવેલી એક નાનકડી બિંદી તમારા આખા રૂપને નિખારી શકે છે. આ શ્રાવણ પર તમારા લુકને આકર્ષક બનાવશે આ ખાસ ચાંદલાની ડિઝાઇન્સ…
ક્લાસિક ગોળ લાલ ચાંદલો: જો તમને સાદો અને સોબર લુક પસંદ હોય, તો પરંપરાગત ગોળ લાલ ચાંદલાથી ઉત્તમ બીજું કંઈ નથી. આ બિંદી લગભગ દરેક રંગની સાડી સાથે જામે છે, ખાસ કરીને લીલી, પીળી અને લાલ સાડી સાથે તેનો નિખાર અદભુત લાગે છે.
ગ્રીન સ્ટોન ચાંદલો: શ્રાવણ એટલે લીલા રંગનો મહિમા. આવા સમયે ગ્રીન સ્ટોનવાળો ચાંદલો તમારા ટ્રેડિશનલ લુકને વધુ સોહામણો બનાવી શકે છે. તેને સિલ્ક, કોટનની સાડી સાથે ખૂબ જ સરળતાથી કેરી કરી શકાય છે.
લોંગ (લાંબી) ચાંદલો: જો તમે કંઈક હટકે અને એલિગન્ટ લુક ઇચ્છતા હોવ, તો લાંબી બિંદી ટ્રાય કરી શકો છો. ખાસ કરીને બનારસી કે પ્લેન સાડી સાથે આ લુક ખૂબ જ જચે છે. લુક બેલેન્સ રહે તે માટે તેની સાથે હળવી જ્વેલરી પહેરવાનું પસંદ કરો.
બ્લેક ચાંદલોઃ કાળી બિંદી માત્ર વેસ્ટર્ન આઉટફિટ જ નહીં, પણ ટ્રેડિશનલ લુક સાથે પણ ખૂબ સુંદર લાગે છે. જો તમારી સાડીનો રંગ હળવો હોય, તો નાનકડી બ્લેક ચાંદલો તમારા અંદાજને વધુ સ્ટાઇલિશ બનાવી દેશે.
સ્ટોન વર્ક ચાંદલોઃ જો તમે કોઈ પૂજા-પાઠ, ઉત્સવ કે ફેમિલી ગેટ-ટુગેધરમાં જઈ રહ્યા છો, તો સ્ટોન વર્કવાળો ચાંદલો પસંદ કરી શકો છો. તે ચહેરા પર એક અલગ જ ગ્રેસ લાવે છે અને સાડી સાથે પરફેક્ટ મેચ થાય છે.
લીફ શેપ ચાંદલો: આજકાલ પાંદડાના આકાર (લીફ શેપ)વાળી બિંદીઓ યુવતીઓમાં ખૂબ લોકપ્રિય છે. ખાસ કરીને શ્રાવણના પવિત્ર અવસર પર આ ડિઝાઇન ખૂબ જ સુંદર દેખાય છે. તેને તમે ગ્રીન કે ગોલ્ડન બોર્ડરવાળી સાડી સાથે પહેરી શકો છો.
મલ્ટીકલર ચાંદલોઃ જો તમારી સાડીમાં એક કરતા વધુ રંગોનું મિશ્રણ હોય, તો મલ્ટીકલર બિંદી શ્રેષ્ઠ વિકલ્પ સાબિત થશે. તેનાથી તમને પરંપરાગતની સાથે મોર્ડન ટચ પણ મળશે.
ખાસ ટિપ્સ: ચાંદલો હંમેશાં તમારા ચહેરાના આકાર અને સાડીના રંગને ધ્યાનમાં રાખીને પસંદ કરો. જો તમારી જ્વેલરી ભારે હોય તો બિંદી એકદમ સિમ્પલ રાખો, અને જો જ્વેલરી હળવી હોય તો સ્ટોન કે ડિઝાઇનર બિંદી અજમાવી શકો છો.
