જમ્મુમાં મલ્ટિ-કોપ્ટર ડ્રોનનું સફળ પરીક્ષણ,દૂરના વિસ્તારોમાં રસી અને દવાઓ પહોંચાડવામાં મદદ કરશે
- જમ્મુમાં મલ્ટિ-કોપ્ટર ડ્રોનનું સફળ પરીક્ષણ
- વેક્સિન અને દવાઓ પહોંચાડવામાં મળશે મદદ
- IIIM થી મઢ બ્લોક સુધી કરવામાં આવ્યું ટ્રાયલ
શ્રીનગર:જમ્મુ-કાશ્મીરમાં ડ્રોનનો ઉપયોગ સરહદ પર દેખરેખ સિવાય, હવે અન્ય ઘણા કામો માટે કરવામાં આવશે. કેન્દ્ર શાસિત પ્રદેશમાં ડ્રોન દ્વારા કોરોનાની રસી, દવાની ડિલિવરી અને અન્ય મહત્વપૂર્ણ વસ્તુઓ પર્વતીય વિસ્તારો તેમજ અન્ય સ્થળોએ પણ મોકલી શકાશે.
એટલું જ નહીં, ડ્રોનનો ઉપયોગ ખેડૂતો માટે પણ કરવામાં આવશે અને તે તેમના માટે લાઈફલાઈનથી ઓછું નહીં હોય. મલ્ટી-કોપ્ટર યુએવી ડ્રોનનું શનિવારે જમ્મુમાં ઈન્ડિયન ઈન્સ્ટિટ્યૂટ ઑફ ઈન્ટિગ્રેટેડ મેડિસિનથી મઢ બ્લોક સુધી ટ્રાયલ કરવામાં આવ્યું હતું. આ ટ્રાયલ વડાપ્રધાન કાર્યાલયના રાજ્યમંત્રી ડૉ. જીતેન્દ્ર સિંહ સમક્ષ કરવામાં આવી હતી.
જમ્મુમાં ટ્રાયલ પછી તે આગામી દિવસોમાં ડ્રોન દ્વારા દૂરના વિસ્તારોમાં કોરોનાની રસી અને અન્ય દવાઓ પહોંચાડવામાં પણ મદદ કરશે અને આ વસ્તુઓ પણ ઓછા સમયમાં પહોંચાડી શકાશે. આ મલ્ટી-કોપ્ટર UAV ને CSIR અને NAL દ્વારા ડિઝાઇન કરવામાં આવ્યું છે. કેન્દ્રશાસિત પ્રદેશના અંતરિયાળ વિસ્તારોમાં પ્રથમ વખત જરૂરી દવાઓ અને રસી ડ્રોન દ્વારા પહોંચાડવામાં આવશે.
