યુકે:રાણીના અંતિમ સંસ્કાર 100 થી વધુ સિનેમાઘરો અને મોટા શહેરોમાં સ્ક્રીન પર બતાવવામાં આવશે
દિલ્હી:બ્રિટનની દિવંગત મહારાણી એલિઝાબેથ દ્વિતીયના અંતિમ સંસ્કાર 19 સપ્ટેમ્બરે લંડનના વેસ્ટમિન્સ્ટર એબી ખાતે કરવામાં આવશે.અગાઉ શનિવારે, બ્રિટીશ સરકારે જણાવ્યું હતું કે,રાણી એલિઝાબેથના રાજકીય અંતિમ સંસ્કાર બ્રિટનમાં લગભગ 125 સિનેમાઘરોમાં બતાવવામાં આવશે, જ્યારે સમારોહ જોવા માટે પાર્ક, ચોક અને ચર્ચોમાં મોટી સ્ક્રીનો ગોઠવવામાં આવશે.
બ્રિટનના સંસ્કૃતિ વિભાગે એક નિવેદનમાં જણાવ્યું હતું કે,વેસ્ટમિન્સ્ટર એબી ખાતે અંતિમ સંસ્કાર અને સમગ્ર લંડનમાં સંબંધિત સરઘસો પણ બીબીસી, આઈટીવી અને સ્કાય ટેલિવિઝન પર લાઈવ બતાવવામાં આવશે.રાષ્ટ્રપતિઓ, વડા પ્રધાનો અને શાહી પરિવારના સભ્યો બ્રિટનની સૌથી લાંબા સમય સુધી શાસન કરનાર રાણી એલિઝાબેથ II ના અંતિમ સંસ્કારમાં હાજરી આપે તેવી અપેક્ષા છે.સ્કોટલેન્ડના બાલમોરલ કેસલમાં 8 સપ્ટેમ્બરના રોજ રાણીનું અવસાન થયું હતું.તેણી 96 વર્ષની હતી.
સરકારે સોમવારે અંતિમ સંસ્કાર માટે જાહેર રજા જાહેર કરી છે.1997માં પ્રિન્સેસ ડાયનાના અંતિમ સંસ્કાર, 2012 લંડન ઓલિમ્પિક્સ અને શાહી લગ્નો સહિત તાજેતરના બ્રિટિશ ઈતિહાસની અન્ય મોટી ઘટનાઓની સરખામણીમાં, આ પ્રસંગમાં સૌથી વધુ સંખ્યામાં મુલાકાતીઓ હોવાનું માનવામાં આવે છે.
બ્રિટીશ સિનેમા એસોસિએશને ગુરુવારે જણાવ્યું હતું કે,રાણીની અંતિમવિધિ સિનેમાઘરોમાં બહુવિધ સ્ક્રીનો પર પ્રદર્શિત કરવામાં આવશે, જેમાં લોકો માટે પ્રવેશ મફત રહેશે. લાખો લોકો એલિઝાબેથના શબપેટીને શ્રદ્ધાંજલિ આપવા માટે આ અઠવાડિયે કલાકો સુધી લાઇનમાં ઊભા છે.મોટી સંખ્યામાં લોકો સંસદના વેસ્ટમિન્સ્ટર હોલમાં રાણીને અંતિમ શ્રદ્ધાંજલિ આપવા ઈચ્છે છે, જ્યાં તેમની શબપેટી રાખવામાં આવી છે.
