- પેટ્રોલ-ડીઝલની કિંમતમાં વધારો
- ડિઝલની કિંમત 33-37 પૈસા વધી
- પેટ્રોલની કિંમત 30 થી 35 પૈસા વધી
દિલ્હી : પેટ્રોલ-ડીઝલની કિંમત અત્યાર સુધીમાં સાતમાં આસમાને તો પહોંચી હતી પણ હવે તો લાગે છે તે આ કિંમત આસમાનને પણ પાર કરી ગઈ છે અને અવકાશમાં પહોંચી ગઈ છે. વાત એવી છે કે સરકારી તેલ કંપનીઓ દ્વારા આજે પાંચમા દિવસે પણ પેટ્રોલ અને ડીઝલના ભાવમાં વધારો કરવામાં આવ્યો છે.આજે ડીઝલની કિંમતમાં 33થી 37 પૈસાનો વધારો થયો છે જ્યારે પેટ્રોલની કિંમતમાં 30 થી 35 પૈસાનો વધારો થયો છે.
નોંધનીય છે કે ઘણા રાજ્યોમાં તેની કિંમત 100 રૂપિયાની ઉપર પહોંચી ગઈ છે. દેશમાં વધી રહેલા પેટ્રોલ અને ડીઝલના ભાવ સામાન્ય માણસની આવક પર અસર કરી રહ્યા છે. દિલ્હીમાં પેટ્રોલની કિંમત 107.24 રૂપિયા છે જ્યારે ડીઝલની કિંમત 95.97 રૂપિયા પ્રતિ લીટર છે. મુંબઈમાં પેટ્રોલની કિંમત 113.12 રૂપિયા અને ડીઝલની કિંમત 104.00 રૂપિયા પ્રતિ લીટર છે. કોલકતામાં પેટ્રોલની કિંમત 107.78 રૂપિયા છે જ્યારે ડીઝલની કિંમત 99.08 રૂપિયા પ્રતિ લીટર છે.તો, ચેન્નઈમાં પેટ્રોલ 104.22 રૂપિયા પ્રતિ લિટર અને ડીઝલ 100.25 રૂપિયા પ્રતિ લિટર છે.
મધ્યપ્રદેશ, રાજસ્થાન, મહારાષ્ટ્ર, આંધ્રપ્રદેશ, તેલંગાણા, કર્ણાટક, ઓડિશા, જમ્મુ -કાશ્મીર અને લદ્દાખમાં પેટ્રોલની કિંમત 100 રૂપિયાને પાર પહોંચી ગઈ છે. મુંબઈમાં પેટ્રોલની કિંમત સૌથી વધુ છે.
પેટ્રોલ અને ડીઝલના ભાવ દરરોજ સવારે 6 વાગ્યે બદલાય છે. નવા દરો સવારે 6 વાગ્યાથી લાગુ થશે. પેટ્રોલ અને ડીઝલના ભાવમાં એક્સાઈઝ ડ્યુટી, ડીલર કમિશન અને અન્ય વસ્તુઓ ઉમેર્યા બાદ તેની કિંમત લગભગ બમણી થઈ જાય છે.
આ પેરામીટરના આધારે પેટ્રોલ રેટ અને ડીઝલ રેટ નક્કી કરવાનું કામ ઓઇલ કંપનીઓ રોજ કરે છે. ડીલરો પેટ્રોલ પંપ ચલાવતા લોકો છે. તેઓ ટેક્સ અને પોતાના માર્જિન ઉમેર્યા બાદ ગ્રાહકોને છૂટક કિંમતે પેટ્રોલ વેચે છે. આ કિંમત પેટ્રોલના દર અને ડીઝલના દરમાં પણ ઉમેરવામાં આવે છે.
