પેરિસ, 05 નવેમ્બર 2026: યુરોપમાં વિમાનોને મળી રહેલી ધમકીઓના સિલસિલા વચ્ચે, વધુ એક ગંભીર ઘટના સામે આવી છે. અહેવાલો અનુસાર, આયર્લેન્ડની રાજધાની ડબલિનથી ઇટાલીની રાજધાની રોમ જઈ રહેલા એરબસ A320 વિમાનને બોમ્બની ધમકી મળી છે.
આ ઘટના બાદ, એરબસ A320 વિમાનને ફ્રાન્સ તરફ વાળવું પડ્યું હતું. આ માહિતી ગુરુવારે ફ્રાન્સના મંત્રી સેબેસ્ટિયન લેકોર્નુના કાર્યાલય દ્વારા આપવામાં આવી હતી.
સુરક્ષા કારણોસર વિમાનને એવરેક્સ એરબેઝ તરફ વાળવામાં આવ્યું
અધિકારીઓના જણાવ્યા અનુસાર, ધમકી મળ્યા બાદ વિમાનને ફ્રાન્સના એવરેક્સ (Évreux) એરબેઝ પર તાત્કાલિક અને સુરક્ષિત રીતે ઉતારવામાં આવ્યું હતું. ફ્રાન્સના વડાપ્રધાન કાર્યાલયે જણાવ્યું છે કે પરિસ્થિતિ પર નજીકથી નજર રાખવામાં આવી રહી છે અને સુરક્ષા એજન્સીઓને હાઈ એલર્ટ પર મૂકવામાં આવી છે.
નોંધપાત્ર બાબત એ છે કે યુરોપમાં વિમાનોને નિશાન બનાવતી આવી ધમકીઓની ઘટનાઓમાં ભલે તે બનાવટી હોય કે ગંભીર વધારો થયો છે, જેના કારણે સુરક્ષા એજન્સીઓએ ઉચ્ચ સ્તરની સતર્કતા રાખવી પડી છે.
વધુ વાંચો: ‘લોકતંત્ર બચાવો, અરાજકતા હટાવો’ના નારા સાથે હરિયાણામાં અમિત શાહની પદયાત્રા
