સુલતાનપુર, 04 ઓક્ટોબર 2026: પૂર્વાંચલ એક્સપ્રેસવે પર સવારે સુબેદાર મેજર સત્યવાનના પાર્થિવ શરીરને ચંદીગઢથી દેવરિયા લઈ જતી એમ્બ્યુલન્સ અકસ્માતનો ભોગ બની હતી. હલિયાપુર પોલીસ સ્ટેશન વિસ્તારમાં 79.6 કિલોમીટરના માર્ક પાસે એક અજાણ્યા વાહને એમ્બ્યુલન્સને ટક્કર મારતા સુબેદાર મેજરના પુત્ર સહિત ચાર લોકોના મોત થયા હતા. અકસ્માત બાદ પોલીસે મૃતદેહોનો કબજો મેળવીને જરૂરી કાયદેસરની કાર્યવાહી હાથ ધરી છે.
શહીદના પુત્ર અને ડ્રાઈવરનું ઘટનાસ્થળે જ મૃત્યુ થયું.
પોલીસના જણાવ્યા અનુસાર, રવિવારે સવારે લગભગ 8:15 વાગ્યે, દેવરિયા જિલ્લાના રુદ્રપુર પોલીસ સ્ટેશન હેઠળના વિસ્તારમાં આવેલા ‘ગૈલા દુધિલા’ ગામના રહેવાસી સુબેદાર મેજર સત્યવાનના પાર્થિવ શરીરને ચંદદીગઢથી તેમના પૈતૃક ગામ લઈ જવામાં આવી રહ્યું હતું. આ માટે T0626HR7553BJ રજિસ્ટ્રેશન નંબર ધરાવતી એમ્બ્યુલન્સનો ઉપયોગ કરવામાં આવ્યો હતો. એમ્બ્યુલન્સમાં સુબેદાર મેજરના પુત્ર ગૌરવ સિંહ, તેમના ભાઈ રાજન ચૌધરી, તેમના ભત્રીજા રામ સમુઝ સિંહ અને ડ્રાઈવર જસપાલ સવાર હતા. રસ્તામાં, પૂર્વાંચલ એક્સપ્રેસવે પર 79.6 કિમીના માર્ક પાસે એક અજાણ્યા વાહને એમ્બ્યુલન્સને ટક્કર મારી હતી.
સારવાર દરમિયાન પરિવારના બે સભ્યોનું અવસાન
આ અકસ્માતમાં ગૌરવ સિંહ અને ડ્રાઈવર જસપાલનું ઘટનાસ્થળે જ મૃત્યુ થયું હતું. ગંભીર રીતે ઘાયલ રાજન ચૌધરી અને રામ સમુઝ સિંહને સારવાર માટે પિથલા કુમારગંજની હોસ્પિટલમાં લઈ જવામાં આવ્યા હતા, જ્યાં સારવાર દરમિયાન બંનેનાં મોત નીપજ્યાં હતાં. આ ચાર વ્યક્તિઓના મૃત્યુથી પરિવાર ઊંડા શોક અને આઘાતમાં સરી પડ્યો હતો.
પોલીસે યોગ્ય સન્માન સાથે રખાવ્યો મૃતદેહ
પોલીસે મૃતકના પરિવારજનોને આ ઘટના વિશે જાણ કરી છે. સુબેદાર મેજર સત્યવાનના પાર્થિવ દેહને પોલીસ સ્ટેશનના પરિસરમાં સુરક્ષિત રીતે અને યોગ્ય સન્માન સાથે રાખવામાં આવ્યા છે. અકસ્માત અને અજાણ્યા વાહનની શોધખોળ અંગે જરૂરી કાર્યવાહી કરવામાં આવી રહી છે. ઘટનાસ્થળે કાયદો અને વ્યવસ્થા જાળવી રાખવામાં આવી છે.
વધુ વાંચો: પંજાબમાં મોટી સાજિશનો પર્દાફાશ: AK-47 અને હેન્ડ ગ્રેનેડ સાથે તસ્કર ઝડપાયો
