વાળનો ગ્રોથ વધારવા માટે આ રીતે ચોખાના પાણીનો કરો ઉપયોગ

• વાળનો આ રીતે વધારો ગ્રોથ
• ચોખાના પાણીનો કરો ઉપયોગ
• વાળ માટે છે ખુબ જ ફાયદાકારક

ઉનાળાની ઋતુમાં વાળની સંભાળ રાખવી મુશ્કેલ છે. આ ઋતુમાં વાળ બરછટ અને બેજાન લાગે છે.એવામાં તમામ પગલાં લીધા હોવા છતાં, કોઈ ફાયદો થતો નથી. જો તમે વાળ ખરવા અને શુષ્કતાથી પણ પરેશાન છો,તો વાળને સ્વસ્થ રાખવા માટે ચોખાના પાણીનો ઉપયોગ કરો.

ચોખાના પાણીનો ઉપયોગ વાળ અને ત્વચા સંભાળના દિનચર્યાઓમાં લાંબા સમયથી કરવામાં આવે છે. ચોખાનું પાણી જેને બોલાચાલીની ભાષામાં ભાત કહેવામાં આવે છે. તેમાં વિટામિન અને મિનરલ્સની ભરપૂર માત્રા હોય છે. ચોખામાં એમિનો એસિડ,વિટામિન બી, વિટામિન ઇ અને એન્ટીઓકિસડેંટ ભરપૂર માત્રામાં હોય છે.

• ચોખાનું પાણી કેવી રીતે બનાવવું

આ માટે તમારે ચોખાને રાંધતી વખતે થોડું વધારે પાણી ઉમેરવું પડશે,જ્યારે ચોખા સારી રીતે ઉકળવા લાગે છે. પછી વધારાનું પાણી કાઢી નાખો.આ પાણીનો ઉપયોગ વાળ અને ત્વચા માટે થઈ શકે છે. ચોખાનું પાણી ડેમેજ વાળ માટે ખૂબ ફાયદાકારક છે. આ સિવાય તમે ત્વચા સંભાળના રૂટિનમાં ક્લીન્સર અને ટોનર તરીકે કરી શકો છો.

• વાળને મુલાયમ રાખે

ચોખાનું પાણી વાળ માટે ખૂબ ફાયદાકારક છે. જો તમારા વાળ બરછટ અને બેજાન છે તો ચોખાના પાણીનો ઉપયોગ કરો. તે તમારા વાળમાં નેચરલ કંડિશનરની જેમ કામ કરશે. તેમાં ઘણા બધા પોષક તત્વો હોય છે જે વાળના વિકાસમાં મદદ કરે છે. વાળને નરમ બનાવવામાં પણ મદદ કરે છે.

• વાળ વધુ ગાઢ અને મજબૂત બનાવો

ચોખાના પાણીમાં કાર્બોહાઈડ્રેટ અને ઇનોસિટોલ હોય છે જે વાળને મજબૂત બનાવવામાં તેમજ ગાઢ બનાવવામાં મદદ કરે છે. લગભગ 10 થી 15 મિનિટ સુધી હળવા હાથે વાળ ઉપર માલિશ કરો. પછી પાણીથી ધોઈ લો. જો તમે ઇચ્છો તો તમારા વાળમાં ચોખાનું પાણી લગાવો અને તેને થોડા સમય માટે છોડી દો અને ત્યારબાદ વાળને શેમ્પૂથી ધોઈ લો. આ ઉપાય અઠવાડિયામાં બેથી ત્રણ દિવસ કરો. આ ઉપાય કરવાથી પરિણામ ટૂંક સમયમાં જોવા મળશે.