- ભારતના વિદેશ સચિવ અમેરિકાના ઉપસચિવને મળ્યા
- હર્ષવર્ધન શ્રંગલા અમેરિકાના ઉપસચિવને મળ્યા
- અફઘાનિસ્તાન સહિત અનેક મુદ્દાઓ પર કરી ચર્ચા
દિલ્હી :ભારતના વિદેશ સચિવ હર્ષવર્ધન શ્રંગલાએ ગુરુવારે અમેરિકાના નાયબ વિદેશ મંત્રી વેંડી શેરમન સાથે મુલાકાત કરી. આ દરમિયાન અફઘાનિસ્તાનમાં ચાલી રહેલા પ્રકરણ પર સતત સંકલન પર ચર્ચા થઈ.
આ સિવાય ક્વાડ દ્વારા ઇન્ડો-પેસિફિક સહયોગને મજબૂત કરવા, આબોહવા સંકટ અને કોરોના મહામારીની સમીક્ષા, 2+2 મંત્રીઓની બેઠક જેવી આગામી બેઠકોની તૈયારી સહિતના ઘણા મુદ્દાઓ પર ચર્ચા કરવામાં આવી હતી.
સ્ટેટ ડિપાર્ટમેન્ટના પ્રવક્તા નેડ પ્રાઇસે ગુરુવારે જણાવ્યું હતું કે, “નાયબ સચિવ શેરમન અને વિદેશ સચિવ શ્રંગલાએ યુનાઇટેડ સ્ટેટ્સ અને ભારત વચ્ચે ભાગીદારીને વધુ મજબૂત બનાવવા માટે સહિયારા લક્ષ્યો અને પ્રાથમિકતાઓ પર સંકલન જાળવવા સંમત થયા હતા.”
શેરમેને ટ્વિટ કર્યું, “મેં ભારતીય વિદેશ સચિવ હર્ષવર્ધન શ્રંગલા સાથે અફઘાનિસ્તાન પર સંકલન, ક્વોડ દ્વારા ઇન્ડો-પેસિફિક સહકારને મજબૂત કરવા અને આબોહવા સંકટ અને કોવિડ -19 રોગચાળાની સમીક્ષા સહિતની વહેંચાયેલ પ્રાથમિકતાઓ પર ચર્ચા કરી.”
