ફિલ્મ રિલીઝના એક દિવસ પહેલા ‘KGF 2’નું નવું ગીત ‘સુલતાન’ થયું રિલીઝ, યશની જોવા મળી જોરદાર સ્ટાઈલ
- આવતીકાલે સિનેમાઘરોમાં રિલીઝ થશે ‘KGF 2’
- KGF ચેપ્ટર 2નું નવું ગીત સુલતાન થયું રિલીઝ
- ગીતમાં યશની જોવા મળી જોરદાર સ્ટાઈલ
મુંબઈ:લાંબી રાહ જોયા બાદ સાઉથ સુપરસ્ટાર યશની ફિલ્મ ‘KGF ચેપ્ટર 2’ આવતીકાલે રિલીઝ માટે તૈયાર છે.આ ફિલ્મે રિલીઝ પહેલા જ ધૂમ મચાવી દીધી છે.આનો અંદાજ ફિલ્મના એડવાન્સ બુકિંગ પરથી લગાવી શકાય છે.હાલમાં જ આ ફિલ્મનું એક ગીત ‘સુલતાન’ રિલીઝ થયું છે, જે ચાહકોને ખૂબ પસંદ આવી રહ્યું છે.
‘KGF ચેપ્ટર 2’નું ગીત ‘સુલતાન’ ફિલ્મની રિલીઝના એક દિવસ પહેલા જ આવી ગયું છે.આ ગીતમાં રોકી એટલે કે યશ દમદાર અંદાજમાં જોવા મળી રહ્યો છે.હિન્દીમાં રિલીઝ થયેલા આ ગીતના બોલ પણ ખૂબ જ આકર્ષક છે.આ ગીત શબ્બીર અહેમદે લખ્યું છે.આ ગીતને લઈને ચાહકો પણ પોતાનો પ્રતિભાવ આપી રહ્યા છે.એક ચાહકે લખ્યું કે આવતીકાલે ભારતીય સિનેમાનો ઈતિહાસ લખાશે.તો,એકે લખ્યું કે ગીતમાં ન તો રોમાંસ છે અને ન તો તે આઇટમ સોંગ છે,માત્ર મિત્રતા અને દમદાર એક્ટિંગ છે.
KGF ચેપ્ટર 2 આવતીકાલે હિન્દી, તેલુગુ, કન્નડ, મલયાલમ અને તમિલમાં રિલીઝ થવાનું છે.આ ફિલ્મમાં યશ ઉપરાંત સંજય દત્ત, રવિના ટંડન, શ્રીનિધિ શેટ્ટી, પ્રકાશ રાજ જેવા શ્રેષ્ઠ કલાકારો મુખ્ય ભૂમિકામાં છે. તો,આ ફિલ્મ પ્રશાંત નીલ દ્વારા નિર્દેશિત કરવામાં આવી છે. આ ફિલ્મના શો મહારાષ્ટ્રના ઘણા શહેરોમાં સવારે 6 વાગ્યાથી શરૂ થશે. એવા પણ અહેવાલો છે કે,દિલ્હીના કેટલાક સિનેમા હોલમાં ટિકિટની કિંમત બે હજાર રૂપિયા થઈ ગઈ છે.
