Homeગુજરાતીદેશ-વિદેશજ્હોન કેમ્પબેલનો ધમાકેદાર રેકોર્ડ, ભારત સામે સૌથી ઝડપી શતક

જ્હોન કેમ્પબેલનો ધમાકેદાર રેકોર્ડ, ભારત સામે સૌથી ઝડપી શતક

નવી દિલ્હી, 01 ઓક્ટોબર 2026: જોન કેમ્પબેલે ભારત સામેની બીજી વન-ડે મેચમાં ઐતિહાસિક સદી ફટકારી અને માત્ર 65 બોલમાં આ સિદ્ધિ હાંસલ કરીને એક મોટો રેકોર્ડ બનાવ્યો. તેમણે કીસી કાર્ટી સાથે ઇનિંગ્સની શરૂઆત કરી હતી, પરંતુ કાર્ટી માત્ર 9 રન બનાવીને આઉટ થઈ ગયા હતા. ત્યારબાદ, તેમણે કેપ્ટન શાઈ હોપ સાથે 110 રનની ભાગીદારી નોંધાવી હતી.

ગુવાહાટી વન-ડે મેચમાં ભારતે ટોસ જીતીને પ્રથમ બોલિંગ કરવાનો નિર્ણય લીધો; જોન કેમ્પબેલ અને કીસી કાર્ટીએ ઇનિંગ્સની શરૂઆત કરી, પરંતુ 37 રનના સ્કોર 52 પ્રથમ વિકેટ પડી. ત્યારબાદ, કેપ્ટન શાઈ હોપે સંયમિત રમત રમી, જ્યારે કેમ્પબેલે આક્રમક બેટિંગ કરતા માત્ર 65 બોલમાં સદી ફટકારીને ઈતિહાસ રચ્યો.

ભારત સામે સૌથી ઝડપી સદી ફટકારનાર કેરેબિયન ખેલાડી

જોન કેમ્પબેલે 65 બોલમાં સદી પૂરી કરી. તેઓ ભારત સામે સૌથી ઓછા બોલમાં સદી ફટકારનાર વેસ્ટ ઈન્ડિઝના બેટ્સમેન બન્યા છે. એકંદરે, તેઓ વેસ્ટ ઈન્ડિઝ માટે સૌથી ઝડપી સદી ફટકારનાર પાંચમા ખેલાડી છે. ઉલ્લેખનીય છે કે, વેસ્ટ ઈન્ડિઝ માટે સૌથી ઝડપી વન-ડે સદીનો રેકોર્ડ બ્રાયન લારાના નામે છે, જેમણે 1999માં બાંગ્લાદેશ સામે 45 બોલમાં સદી ફટકારી હતી.

કેમ્પબેલે 2019માં આયર્લેન્ડ સામે 137 બોલમાં 179 રનની શાનદાર ઇનિંગ્સ રમીને તેની કારકિર્દીની પ્રથમ વન-ડે સદી ફટકારી હતી. ત્યારબાદ તે લાંબા સમય સુધી ક્રિકેટથી દૂર રહ્યો હતો. પોતાની પ્રથમ સદી ફટકાર્યાના છ વર્ષ બાદ, 2025માં તેણે તેની આગામી વન-ડે મેચ રમી હતી.

ભારત સામેની ચાલુ શ્રેણીની પ્રથમ મેચમાં જ્હોન કેમ્પબેલ પણ અડધી સદી ફટકારી ચૂક્યા છે અને તેમણે જસ્ટિન ગ્રીવ્સ સાથે મળીને સદીની ભાગીદારી નોંધાવી હતી. કેમ્પબેલે પ્રથમ મેચમાં 62 રન બનાવ્યા હતા, જ્યારે ગ્રીવ્સે સદી ફટકારી હતી પરંતુ ઈજાને કારણે તેઓ બીજી વન-ડે મેચમાંથી બહાર થઈ ગયા હતા. ટીમ ઈન્ડિયાએ પ્રથમ વન-ડે મેચ 8 વિકેટથી જીતી હતી.

spot_img
spot_img
સંબંધિત લેખો
spot_img
spot_img

Most Popular

spot_img