ડ્રગ્સ લેવાના આરોપમાં અભિનેતા શક્તિ કપૂરના પુત્ર સિદ્ધાંત કપૂરની પોલીસે કરી અટકાયત
- ડ્રગ્સ લેવાના આરોપમાં સિદ્ધાંત કપૂરની પોલીસે કરી અટકાયત
- પાર્ટીમાં દરોડા પાડ્યા બાદ પોલીસે કરી કાર્યવાહી
દિલ્હીઃ- બોલિવૂડ જગતમાંથી સમાચાર આવી રહ્યા છે કે વધુ એક અભિનેતાના પુત્રની ડ્રગ્સ મામલે પોલીસે અટકાયત કરી લીધી છે,પ્રાપ્ત જાણકારી પ્રમાણે બોલિવૂડ અભિનેત્રી શ્રદ્ધા કપૂરના ભાઈ અને અભિનેતા શક્તિ કપૂરના પુત્ર સિદ્ધાંત કપૂરની ડ્રગ્સના કેસમાં અટકાયત કરવામાં આવી છે. પોલીસે તેની બેંગ્લોરમાં ધરપકડ કરી હતી.
શક્તિ કપૂરના પુત્ર સિદ્ધાંત કપૂર પર ડ્રગ્સ લેવાનો આરોપ છે જે બાદ તેને કસ્ટડીમાં લેવામાં આવ્યો છે. આ પહેલા ડ્રગ્સ કેસને લઈને બોલિવૂડની તમામ હસ્તીઓના નામ સામે આવી રહ્યા છે.કહેવામાં આવી રહ્યું છે કે એક પાર્ટી દરમિયાન પોલીસે પાર્ટીમાં રેડ પાડી હતી અને સિદ્ધાંતને કસ્ટડીમાં લીધો હતો
ઉલ્લેખનીય છે કે સુશાંત સિંહ રાજપૂત કેસ દરમિયાન અભિનેત્રી શ્રદ્ધા કપૂરની પણ ડ્રગ્સ કેસમાં પૂછપરછ કરવામાં આવી હતી. જો કે, તેની પાસે ડ્રગ્સ હોવાના કોઈ નક્કર પુરાવા મળ્યા નથી.ત્યારે હવે તેના ભાઈ પર ડ્રગ્સ મામલે કાર્યવાહી થઈ શકે છે.
જો સિદ્ધાંતના ફ્રન્ટની વાત કરીએ તો સિદ્ધાંત કપૂરે ઘણી ફિલ્મોમાં કામ કર્યું છે. હસીના પારકર, પલટન, જઝબા, અગ્લી તેની ફિલ્મોની યાદીમાં છે. સિદ્ધાંત છેલ્લે ફિલ્મ ચેહરેમાં જોવા મળ્યો હતો.
