દિલ્હી:દેશભરમાં છઠ પર્વની ઉજવણી કરવામાં આવી. શ્રદ્ધાલુ મહિલાઓ આજે ઉગતા સૂર્યને અર્ઘ્ય અર્પણ કરી રહી છે.આ મહાન તહેવાર આજે એટલે કે 31મી ઓક્ટોબરે ઉગતા સૂર્યને અર્ઘ્ય અર્પણ કર્યું.
છઠ પૂજામાં સૂર્યદેવ અને માતા છઠ્ઠીની પૂજા કરવામાં આવે છે. છઠ પર્વમાં મહિલાઓ 36 કલાકનું વ્રત રાખે છે. આ તહેવારને સૂર્ય ષષ્ઠી તરીકે પણ ઓળખવામાં આવે છે. છઠનો તહેવાર વર્ષમાં બે વાર આવે છે. છઠની શરૂઆત 28મી ઓક્ટોબરે નહાય ખાય સાથે થઈ હતી.
છઠનો આ તહેવાર બાળકોના સુખ, સમૃદ્ધિ, સૌભાગ્ય અને સુખી જીવન માટે રાખવામાં આવ્યો છે. આ સાથે પતિના લાંબા આયુષ્ય માટે પણ આ વ્રત રાખવામાં આવે છે.
એવું માનવામાં આવે છે કે સૂર્યદેવની પૂજા કરવાથી વ્યક્તિ ગતિ, સ્વાસ્થ્ય અને આત્મવિશ્વાસ પ્રાપ્ત કરે છે. વાસ્તવમાં જ્યોતિષશાસ્ત્ર અનુસાર સૂર્ય ગ્રહને પિતા, પૂર્વજ, આદરનો કારક માનવામાં આવે છે. તેમજ છઠ્ઠી માતાની પૂજા કરવાથી સંતાન પ્રાપ્તિ અને સુખી જીવન મળે છે. આ તહેવારની સૌથી મોટી વિશેષતા એ છે કે આ તહેવાર પવિત્રતાનું પ્રતિક છે.
