- બ્રિજ ભૂષણ પર 1 જુલાઈએ થશે સુનાવણી
- જાતીય સતામણી કેસની થશે સુનાવણી
- કોર્ટે કહ્યું- ચાર્જશીટ ઘણી લાંબી છે
- રાઉસ એવન્યુ કોર્ટ ચાર્જશીટ પર સંજ્ઞાન લેશે
દિલ્હી :રેસલિંગ ફેડરેશન ઓફ ઈન્ડિયાના ભૂતપૂર્વ પ્રમુખ બ્રિજભૂષણ શરણ સિંહ વિરુદ્ધ જાતીય સતામણી કેસની સુનાવણી 1 જુલાઈએ થશે.
રાજધાની દિલ્હીની રાઉસ એવન્યુ કોર્ટે મંગળવારે સુનાવણી કરતા કહ્યું કે હવે આ કેસમાં ચાર્જશીટ પર 1 જુલાઈથી ચર્ચા થશે, ત્યારબાદ કોર્ટ ચાર્જશીટ પર સંજ્ઞાન લેશે. છ મહિલા કુસ્તીબાજોની ફરિયાદ પર બીજેપી નેતા અને ભૂતપૂર્વ WFI પ્રમુખ વિરુદ્ધ કેસ નોંધવામાં આવ્યો હતો.
કુસ્તીબાજોએ આ મામલાની તપાસ માટે કોર્ટમાં અરજી કરી હતી, જેમાં તેઓએ કોર્ટની દેખરેખ હેઠળ આ મામલાની તપાસની માંગ કરી હતી. હવે મહિલા કુસ્તીબાજોની આ અરજી પાછી ખેંચવાની માંગ ઉઠી છે. આ કોર્ટે કહ્યું કે આ કેસમાં ચાર્જશીટ દાખલ કરવામાં આવી છે. આવી સ્થિતિમાં તપાસ પર દેખરેખ રાખવાની માગણી કરતી અરજીનું કોઈ ઔચિત્ય નથી.
કોર્ટે કુસ્તીબાજોના વકીલને એમ પણ કહ્યું કે, જો તમને લાગે કે તપાસ પર નજર રાખવાની જરૂર છે, તો તમે નવી અરજી દાખલ કરી શકો છો.
એડિશનલ ચીફ મેટ્રોપોલિટન મેજિસ્ટ્રેટ હરજીત સિંહ જસપાલે જણાવ્યું હતું કે તે “લાંબી ચાર્જશીટ” છે અને આ મામલે સુનાવણી મુલતવી રાખી છે. તેમણે કહ્યું કે નવી ચાર્જશીટ દાખલ કરવામાં આવી છે. તેની તપાસ કરવા દો. તે લાંબી ચાર્જશીટ હોવાથી તેને થોડા દિવસો માટે ધ્યાનમાં લેવા દો.
