જયપુર, 06 સપ્ટેમ્બર 2026: રાજસ્થાનના શેખાવતી ક્ષેત્રના ત્રણ જિલ્લાઓ સીકર, ચુરુ અને ઝુંઝુનુમાં આવેલી ઐતિહાસિક હવેલીઓને યુનેસ્કોની કામચલાઉ યાદીમાં સામેલ કરવામાં આવી છે.
આ યાદીમાં સામેલ હવેલીઓને ભવિષ્યમાં યુનેસ્કો વર્લ્ડ હેરિટેજ સાઇટનો દરજ્જો મેળવવા માટે રજૂ કરી શકાય છે.
શેખાવતીની હવેલીઓ તેમની અનોખી સ્થાપત્યશૈલી, કલાત્મક શૈલી તેમજ દીવાલો પરના ઝીણવટભર્યા કોતરકામ અને ભીંતચિત્રો માટે ભારત અને વિદેશમાં જાણીતી છે. આમાંની મોટાભાગની હવેલીઓ એક સદી કરતાં પણ વધુ જૂની છે.
ત્રણ જિલ્લાઓમાં જે શહેરોની હવેલીઓનો યાદીમાં સમાવેશ કરવામાં આવ્યો છે તેમાં દુંદલોદ, ફતેહપુર, અલસીસર, બિસાઉ, ચુરુ, ઝુંઝુનુ, ખેત્રી, લક્ષ્મણગઢ, નવલગઢ, મંડવા, મહંસર, રામગઢ અને સીકર છે.
રાજ્યના નાયબ મુખ્યમંત્રી દિયા કુમારીએ જણાવ્યું હતું કે, હવેલીઓની દીવાલોને શોભાવતા ચિત્રો તે યુગના સામાજિક જીવન, સંસ્કૃતિ, પરંપરાઓ અને કલાશૈલીઓની ઝલક પૂરી પાડે છે.
વધુ વાંચો: મધ્ય પ્રદેશમાં બૈગા બાળકોના મૃત્યુને લઈને આદિવાસીઓમાં રોષ, 18 રાજ્યોના નેતાઓએ વિરોધ પ્રદર્શન કર્યું
