નવી દિલ્હી, 25 સપ્ટેમ્બર 2026: રાષ્ટ્રપતિ દ્રૌપદી મુર્મુએ એશિયન ગેમ્સમાં સ્કીટ મિક્સ્ડ ટીમ શૂટિંગ સ્પર્ધામાં બ્રોન્ઝ મેડલ જીતવા બદલ પરિનાઝ ધાલીવાલ અને અનંતજીત સિંહ નરુકાને અભિનંદન પાઠવ્યા છે. રાષ્ટ્રપતિ મુર્મુએ નોંધ્યું હતું કે એશિયન ગેમ્સમાં સ્કીટ મિક્સ્ડ ટીમ સ્પર્ધામાં ભારતનો આ સર્વપ્રથમ મેડલ છે. રાષ્ટ્રપતિએ જણાવ્યું હતું કે આ જોડીના ઉત્કૃષ્ટ ટીમવર્ક અને સતત સારા પ્રદર્શને આ રમતોમાં સ્કીટ સ્પર્ધાઓમાં ભારતના મજબૂત પ્રદર્શનને વધુ વેગ આપ્યો છે.
રાષ્ટ્રપતિએ મહિલાઓની 10,000 મીટર દોડમાં બ્રોન્ઝ મેડલ જીતવા બદલ સીમા કુમારીને પણ અભિનંદન પાઠવ્યા હતા. રાષ્ટ્રપતિ મુર્મુએ જણાવ્યું હતું કે તેમના શાનદાર પ્રદર્શને આ સ્પર્ધામાં મેડલ માટેના ભારતના 16 વર્ષના લાંબા પ્રતીક્ષાકાળનો અંત આણ્યો છે. તેમણે આ સિદ્ધિને સીમાની રમતગમતની સફરમાં એક યાદગાર સિદ્ધિ અને અત્યંત ગૌરવપૂર્ણ ક્ષણ ગણાવી હતી.
રાષ્ટ્રપતિએ 4×400 મીટર મિક્સ્ડ રિલે સ્પર્ધામાં રજત પદક જીતવા બદલ એમ.આર. પૂવમ્મા, વિથ્યા રામરાજ, મનુ ટી.એસ. અને વિશાલ ટી.કે.ને પણ અભિનંદન પાઠવ્યા હતા. રાષ્ટ્રપતિએ જણાવ્યું હતું કે તેમના પ્રશંસનીય પ્રદર્શન અને ટીમવર્કે ભારતની એથ્લેટિક્સ યાત્રામાં ગૌરવપૂર્ણ સિદ્ધિનો વધુ એક અધ્યાય ઉમેર્યો છે.
વધુ વાંચો: વૈશ્વિક અર્થતંત્રમાં ભારતનું યોગદાન સતત વધી રહ્યું છે: પીયૂષ ગોયલ
