અજય દેવગણ સસ્પેન્સ સાયકોલોજિકલ થ્રિલર ફિલ્મ ‘નામ’માં જોવા મળશે,ટૂંક સમયમાં રિલીઝ થશે ફિલ્મ
- અજય દેવગણના ફેંસ માટે સારા સમાચાર
- અજય દેવગણ વધુ એક ફિલ્મમાં જોવા મળશે
- ટૂંક સમયમાં રિલીઝ થશે ફિલ્મ ‘નામ’
મુંબઈ:અજય દેવગણ દરરોજ ચર્ચામાં રહે છે.તેની તાજેતરની વેબ સિરીઝ ‘રુદ્ર’માં ભજવેલા તેના પાત્રે લોકોના દિલ જીતી લીધા હતા.આ સિવાય તે સંજય લીલા ભણસાલીની ફિલ્મ ‘ગંગુબાઈ કાઠિયાવાડી’માં પણ મહત્વની ભૂમિકામાં જોવા મળ્યો હતો અને એસએસ રાજામૌલીની ફિલ્મ ‘RRR’માં તેણે રામ ચરણ તેજાના પિતાની ભૂમિકા ભજવી હતી.આ તમામ ફિલ્મોમાં તેના રોલના ખૂબ વખાણ થયા હતા અને હવે વધુ એક ફિલ્મના સમાચાર આવી રહ્યા છે. ખરેખર, અજય દેવગણ સસ્પેન્સ સાયકોલોજિકલ થ્રિલર ફિલ્મ ‘નામ’માં જોવા મળવાનો છે. આ ફિલ્મ ટૂંક સમયમાં રિલીઝ થવા જઈ રહી છે.
આ ફિલ્મને અનીસ બઝમીએ ડિરેક્ટ કરી છે.આ ફિલ્મ રિલીઝ માટે સંપૂર્ણપણે તૈયાર છે.આ ફિલ્મમાં અજય દેવગણ લીડ રોલમાં જોવા મળશે.આ ફિલ્મની રિલીઝને લઈને ફિલ્મમેકર્સની નજર મે-જુલાઈ પર ટકેલી છે.જોકે, આ ફિલ્મ OTT પર રિલીઝ થશે કે થિયેટરોમાં તે અંગે કોઈ માહિતી બહાર આવી નથી.આ ફિલ્મની રિલીઝ સાથે જોડાયેલી માહિતી શેર કરતાં ટ્રેડ એનાલિસ્ટ કોમલ નાહટાએ ટ્વિટર પર લખ્યું કે, ‘અજય દેવગણની ફિલ્મ ‘નામ’ અનીસ બઝમી દ્વારા નિર્દેશિત આ ઉનાળામાં રિલીઝ થવાની તૈયારીમાં છે. આ એક સસ્પેન્સ સાયકોલોજિકલ થ્રિલર ફિલ્મ છે જેમાં દર્શકો અભિનેતાના એક્શનથી ભરપૂર યુવા દેખાવનો આનંદ માણી શકશે. આ ફિલ્મનું નિર્માણ #RoongtaEntertainment દ્વારા કરવામાં આવ્યું છે.
આ ફિલ્મ એક સાયકોલોજિકલ થ્રિલર છે જેમાં એક માણસ પોતાની યાદશક્તિ ગુમાવી બેસે છે અને પોતાની ઓળખ શોધવા માટે પ્રવાસ પર નીકળે છે.ફિલ્મનું શૂટિંગ સ્વિટ્ઝર્લેન્ડ અને મુંબઈમાં કરવામાં આવ્યું છે.
અજય દેવગણની અનીસ બઝમી સાથેની આ ચોથી ફિલ્મ છે. આ પહેલા અજય દેવગણે અનીસ બઝમી સાથે હલચલ, પ્યાર તો હોના હી થા અને દિવાનગી જેવી ફિલ્મો કરી છે.
