અમરનાથ યાત્રાઃ 20 દિવસમાં 3.65 લાખથી વધુ ભક્તોએ દર્શન કર્યા
નવી દિલ્હીઃ 29 જૂનથી શરૂ થયેલી અમરનાથ યાત્રા માટે શુક્રવારે 4821 દર્શનાર્થીઓનો બીજી ટુકડી રવાના થઇ હતી. અત્યાર સુધીમાં 3.65 લાખથી વધુ શ્રદ્ધાળુઓએ પવિત્ર ગુફામાં કુદરતી રીતે બનેલા બરફના શિવલિંગના દર્શન કર્યા છે. અધિકારીઓએ જણાવ્યું કે ગુરુવારે બાલતાલ અને પહેલગામ બંને માર્ગોથી આવતા 14 હજારથી વધુ શ્રદ્ધાળુઓએ દર્શન કર્યા હતા.
અધિકારીઓએ જણાવ્યું હતું કે, “આજે, જમ્મુના ભગવતી નગર યાત્રી નિવાસથી 4,821 મુસાફરોનો બીજી ટુકડી ખીણ માટે રવાના થઇ હતી.તેમાંથી 1,731 શ્રદ્ધાળુઓ 54 વાહનોના સુરક્ષા કાફલામાં સવારે 3.13 વાગ્યે ઉત્તર કાશ્મીર બાલટાલ બેઝ કેમ્પ માટે રવાના થયા હતા. તે જ સમયે, 3,090 મુસાફરો સવારે 4 વાગ્યે 96 વાહનોના સુરક્ષા કાફલામાં દક્ષિણ કાશ્મીર નુનવાન (પહલગામ) બેઝ કેમ્પ માટે રવાના થયા હતા. બંને કાફલા બે તબક્કાના શિબિરોની આગળની મુસાફરી માટે આજે બપોર સુધીમાં ખીણમાં પહોંચવાની અપેક્ષા છે.”
પ્રવાસીઓ ગુફા મંદિર સુધી પહોંચવા માટે 48 કિમી લાંબા પરંપરાગત પહેલગામ માર્ગ અથવા ટૂંકા 14 કિમી બાલતાલ માર્ગનો ઉપયોગ કરે છે.જેઓ પહેલગામ માર્ગનો ઉપયોગ કરે છે તેઓ ગુફા મંદિર સુધી પહોંચવામાં ચાર દિવસ લે છે, જ્યારે બાલટાલ માર્ગનો ઉપયોગ કરતા લોકો દર્શન કર્યા પછી તે જ દિવસે બેઝ કેમ્પ પર પાછા ફરે છે.
સમુદ્ર સપાટીથી 3,880 મીટરની ઉંચાઈ પર સ્થિત, અમરનાથ ગુફા વિશ્વભરના લાખો હિન્દુઓ દ્વારા ભગવાન શિવના ઘર તરીકે પૂજનીય છે.આ વર્ષે, લગભગ 300 કિમી લાંબા જમ્મુ-શ્રીનગર હાઈવે પર બે બેઝ કેમ્પ બનાવવામાં આવ્યા છે અને ગુફા મંદિરમાં વિસ્તૃત સુરક્ષા વ્યવસ્થા કરવામાં આવી છે, જેથી યાત્રા સરળ અને અકસ્માત મુક્ત રહે. બંને રૂટ પર મુસાફરો માટે હેલિકોપ્ટર સેવા પણ ઉપલબ્ધ છે.અમરનાથ યાત્રા 19 ઓગસ્ટના રોજ સમાપ્ત થશે.
