ચેમ્પિયન્સ ટ્રોફી 2025 ની બીજી મેચમાં, ભારતીય ક્રિકેટ ટીમના ઝડપી બોલર મોહમ્મદ શમીએ બાંગ્લાદેશ ક્રિકેટ ટીમ સામે ઘાતક બોલિંગ કરીને 5 વિકેટ લીધી. આ દરમિયાન, તેણે પોતાની ODI કારકિર્દીમાં 200 વિકેટ પણ પૂર્ણ કરી છે. શમીએ પહેલી વાર ચેમ્પિયન્સ ટ્રોફીમાં એવી મેચ રમી, જેમાં તેણે ઘાતક બોલિંગ કરી હતી. દરમિયાન ચેમ્પિયન્સ ટ્રોફી તેમજ આઈસીસી ઓડીઆઈ વર્લ્ડ કરમાં અનેક ખેલાડીઓએ પાંચ વિકેટ લીધી છે.
મોહમ્મદ શમીઃ શમીએ ODI વર્લ્ડ કપમાં 18 મેચ રમી, 18 ઇનિંગ્સમાં 13.52 ની સરેરાશથી 55 વિકેટ લીધી. આ દરમિયાન, તેણે 4 વખત 5 વિકેટ લીધી છે. શમીએ ચેમ્પિયન્સ ટ્રોફીની પોતાની પહેલી મેચમાં 5 વિકેટ ઝડપી હતી. તે ICC ટુર્નામેન્ટ (ODI ફોર્મેટ) માં સૌથી વધુ વિકેટ (60) લેનાર ભારતીય બોલર પણ બન્યો. આ બાબતમાં તેણે ઝહીર ખાન (59 વિકેટ) ને પાછળ છોડી દીધો છે.
રવિન્દ્ર જાડેજાઃ ચેમ્પિયન્સ ટ્રોફીમાં ભારતીય ટીમ તરફથી રવિન્દ્ર જાડેજા સૌથી વધુ વિકેટ લેનાર બોલર છે. તેણે આ ટુર્નામેન્ટમાં 11 મેચમાં 27.50 ની સરેરાશ અને 4.78 ના ઇકોનોમી રેટથી કુલ 15 વિકેટ લીધી છે. આ દરમિયાન, તેણે એક મેચમાં 5 વિકેટ પણ લીધી હતી. ODI વર્લ્ડ કપમાં, જાડેજાએ 21 મેચોમાં 30.70 ની સરેરાશથી 30 વિકેટ લીધી, જેમાં એક ઇનિંગમાં 5 વિકેટનો સમાવેશ થાય છે (દક્ષિણ આફ્રિકા વિરુદ્ધ 5/33, 2023).
શાહિદ આફ્રિદીઃ ખાસ યાદીમાં ભૂતપૂર્વ પાકિસ્તાની ઓલરાઉન્ડર શાહિદ આફ્રિદી પણ સામેલ છે. તેણે ચેમ્પિયન્સ ટ્રોફીમાં કુલ 13 મેચમાં 30.50 ની સરેરાશથી 14 વિકેટ લીધી હતી. આ સમયગાળા દરમિયાન, તેણે 1 ઇનિંગમાં 5 વિકેટ પણ લીધી (5/11 વિ કેન્યા, 2004). ODI વર્લ્ડ કપમાં, ભૂતપૂર્વ લેગ-સ્પિનરે 27.70 ની સરેરાશથી 30 વિકેટ લીધી. તેણે 2 ઇનિંગ્સમાં 5 વિકેટ લેવાની સિદ્ધિ પણ હાંસલ કરી.
ગ્લેન મેકગ્રાઃ ગ્લેન મેકગ્રા વનડે વર્લ્ડ કપના ઇતિહાસમાં સૌથી વધુ વિકેટ લેનાર બોલર છે. તેણે આ પ્રતિષ્ઠિત ટુર્નામેન્ટમાં 39 મેચોમાં 18.19 ની સરેરાશથી 71 વિકેટ લીધી. તેણે 2 મેચમાં 5 વિકેટ પણ લીધી હતી. ઓસ્ટ્રેલિયાના ભૂતપૂર્વ દિગ્ગજ ખેલાડીએ ચેમ્પિયન્સ ટ્રોફીમાં 12 મેચમાં 19.61 ની સરેરાશથી 21 વિકેટ લીધી હતી. આ દરમિયાન, તેણે એક વખત 5 વિકેટ પણ લીધી.
