એશિયા કપ :આજે ભારત અને પાકિસ્તાન વચ્ચે મુકાબલો
મુંબઈ:એશિયા કપ 2022 શરૂ થઈ ગયો છે. ટૂર્નામેન્ટની શરૂઆત શનિવારે રાત્રે અફઘાનિસ્તાન અને શ્રીલંકા વચ્ચેની મેચથી થઈ હતી. આજે ભારત અને પાકિસ્તાનની ટીમો આ ટુર્નામેન્ટમાં તેમના અભિયાનની શરૂઆત કરશે.બંને ટીમો સાંજે 7.30 કલાકે સામસામે ટકરાશે.આ મેચ દુબઈ ઈન્ટરનેશનલ ક્રિકેટ સ્ટેડિયમમાં રમાશે.બંને ટીમોએ મેચ માટે તૈયારી કરી લીધી છે.
ટીમ ઈન્ડિયા આ વખતે પાકિસ્તાન સામે ગત વર્ષે T20 વર્લ્ડ કપમાં મળેલી હારનો બદલો લેવાના ઈરાદા સાથે મેદાનમાં ઉતરશે.ટીમ માટે સારી વાત એ છે કે,કોચ રાહુલ દ્રવિડ કોરોના નેગેટિવ થઈ ગયા છે અને તે ટીમ સાથે જોડાઈ ગયા છે.
પૂર્વ ભારતીય ક્રિકેટર વીવીએસ લક્ષ્મણ વચગાળાના કોચ તરીકે પહેલેથી હાજર છે.આવી સ્થિતિમાં ભારતીય ટીમને હવે દ્રવિડની સાથે લક્ષ્મણના અનુભવનો લાભ મળશે.તે જ સમયે, પાકિસ્તાનના કેપ્ટન બાબર આઝમ પણ ફાસ્ટ બોલર શાહીન આફ્રિદી અને મોહમ્મદ વસીમ જુનિયર એશિયા કપમાંથી બહાર થઈ ગયા છે.આવી સ્થિતિમાં તેમના માટે ઘણી મુશ્કેલીઓ ઉભી થઈ છે.
