નવી દિલ્હી, 31 ઓક્ટોબર 2026: ગૃહ મંત્રાલયના સંયુક્ત સચિવ ચિત્તરંજન દાસના નેતૃત્વ હેઠળની સાત સભ્યોની કેન્દ્રીય ટીમ, ચક્રવાત ‘અર્નાબ’ને કારણે થયેલા નુકસાનનું મૂલ્યાંકન કરવા માટે આંધ્રપ્રદેશમાં છે. રાજ્યના અધિકારીઓએ ચક્રવાતથી થયેલા નુકસાન અને પરિસ્થિતિને સંભાળવા માટે સરકાર દ્વારા લેવામાં આવેલા પગલાં અંગે માહિતી આપી હતી.
પ્રારંભિક અંદાજો અનુસાર, ચક્રવાત ‘અર્નાબ’ને કારણે રાજ્યના 12 જિલ્લાઓમાં કુલ 4,764 કરોડ રૂપિયાનું નુકસાન થયું છે. કોનાસીમા અને પશ્ચિમ ગોદાવરી સૌથી વધુ અસરગ્રસ્ત જિલ્લાઓમાં સામેલ છે. એક કેન્દ્રીય ટીમ કોનાસીમા, કાકીનાડા, પૂર્વ ગોદાવરી અને પશ્ચિમ ગોદાવરી જિલ્લાના ચક્રવાત પ્રભાવિત વિસ્તારોની મુલાકાત લેશે. આ મુલાકાત દરમિયાન, ટીમ કૃષિ, આવાસ અને માળખાકીય સુવિધાઓને થયેલા નુકસાનનું મૂલ્યાંકન કરશે અને અસરગ્રસ્ત લોકો સાથે વાતચીત પણ કરશે. દરમિયાન, અસરગ્રસ્ત જિલ્લાઓમાં રાહત અને પુનર્વસનની કામગીરી ચાલી રહી છે.
રાજ્ય સરકારે ચક્રવાત સંબંધિત ઘટનાઓમાં જીવ ગુમાવનારાઓના પરિવારજનોને પ્રત્યેકને ૫ લાખ રૂપિયાની સહાય (એક્સ-ગ્રેશિયા) આપવાની જાહેરાત કરી છે. પ્રાથમિક અંદાજો મુજબ ડાંગર અને બાગાયતી પાકોને વ્યાપક નુકસાન થયું છે. વીજળી પુરવઠો, પીવાના પાણીની વ્યવસ્થા અને માર્ગ સંપર્ક પુનઃસ્થાપિત કરવાના પ્રયાસો ચાલી રહ્યા છે.
વધુ વાંચો: રાષ્ટ્રીય એકતા દિવસ: અમિત શાહે દિલ્હીમાં ‘રન ફોર યુનિટી’ને આપી લીલી ઝંડી
